«Ksell» kompanıasy men «WikiBilim» qoǵamdyq qory «Qazaqstannyń ashyq ýnıversıteti» bilim berý platformasyndaǵy alǵashqy tegin onlaın-kýrstardyń bastalǵanyn jarıalaıdy. Joba QBTÝ, AlmaU, SDU, Q.Sátbaev atyndaǵy QazUTZÝ, Matematıka jáne matematıkalyq modeldeý ınstıtýty sıaqty elimizdiń jetekshi joǵary oqý oryndarynyń qoldaýymen iske asyrylyp otyr.

«WikiBilim» qoǵamdyq qorynyń prezıdenti Nurbek Matjanıdiń aıtýynsha, OpenU bilim berý platformasynyń arqasynda qazaqstandyqtar jobaǵa seriktes ýnıversıtetterdiń úzdik profesorlarynyń dáristerine erkin qol jetkizý múmkindigine ıe boldy. Ashyq ýnıversıtettiń alǵashqy onlaın-kýrsynyń avtory – belgili qazaqstandyq ǵalym, fızıka-matematıka ǵylymdarynyń doktory, profesor, QR UǴA akademıgi Asqar Jumadildaev.

«Joǵary jyldamdyqty Internetke qoljetimdiliktiń artýy kóptegen salalardy ózgertip, tıimdilikti arttyrýǵa jańa múmkindikter ashyp otyrǵany barshamyzǵa belgili. Mysaly, joǵary bilim berý salasynda buqaralyq ashyq onlaın-kýrstarǵa (MOOC) negizdelgen onlaın oqytý tehnologıalary damyp jatyr. Dúnıejúzinde mıllıondaǵan tyńdarman osyndaı kýrstarǵa qol jetkize otyryp, bilim alady, biliktiligin arttyrady nemese jańa mamandyqty meńgeredi. OpenU jobasynyń mindeti – nıet bildirýshilerdiń barlyǵyna qazaqstandyq jetekshi profesorlardyń eń úzdik dáristerine qol jetkizýdi qamtamasyz etý. Buǵan ásirese bizdiń óńirlik joǵary oqý oryndarynyń stýdentteri múddeli. «Qazaqstannyń ashyq ýnıversıteti» dıplom bermeıdi, ol ýnıversıtetterge óz qyzmetteriniń sapasyn arttyrýǵa, al oqýshylarǵa sapaly bilim alýǵa kómektesedi», - dep atap ótti «WikiBilim» qorynyń negizin qalaýshy ári Qamqorshylyq keńesiniń tóraǵasy Raýan Kenjehanuly.

Kcell kompanıasynyń qoldaýymen alǵashqy 10 onlaın-kýrs ázirlendi. Olardyń qatarynda kelesideı kýrstar bar:

1. Matrısalar jáne anyqtaýyshtar;
2. Memlekettik-jekeshelik áriptestik;
3. Web-baǵdarlamalaý negizderi;
4. Fýre taldaýy;
5. Robototehnıka;
6. Vvedenıe v kompúternye naýkı na ıazyke Java.

Bir kýrstyń ortasha uzaqtyǵy – 5 apta. Biregeı bilim berý kontentiniń 80%-y qazaq tilinde. Buǵan qosa, portalda onlaın-kýrs avtorlary usynatyn arnaıy ádebıetter ornalastyrylady. Sonymen birge, platformada alǵan bilimdi tekserýge arnalǵan testtik tapsyrmalar da qarastyrylǵan.

OpenU.kz platformasy Garvard ýnıversıteti men Massachýsets tehnologıa ınstıtýty mamandary jasaǵan Open edX negizinde qurylǵan. Saıtta ıntýıtıvti ınterfeıs, yńǵaıly vıdeopleer, kýrs tyńdaýshylarynyń jeke kabıneti, test tapsyrmalary men konspektiler bar.

«Biz «Ashyq ýnıversıtet» jobasy tek kolej jáne joǵary oqý oryndary talapkerleri men stýdentterine ǵana emes, sondaı-aq jumys istep júrgen, sonyń ishinde, İT jáne telekomýnıkasıalar salasyndaǵy mamandarǵa da qyzyq bolady dep senemiz. Oǵan qosa, platforma múmkindigi shekteýli jandar men megapolısterden shalǵaıda ornalasqan aýdan turǵyndaryn bilim berý kýrstaryna qol jetkizdi. Atalmysh joba elimiz úshin shynymen de biregeı joba bolyp sanalady. Keleshekte bul jobany ekonomıkanyń basqa da salalaryndaǵy biz sıaqty bilim berýdi damytý men óz salasy úshin joǵary bilikti kadrlardy daıyndaýǵa múddeli kompanıalardyń qoldaıtynyna sengimiz keledi», - dedi «Ksell» AQ komýnıkasıalar bóliminiń jetekshisi Natalá Eskova.