"Qamshy" aqparattyq agenttigi jaǵa ustatarlyq jaıtqa tap boldy. Bizdiń poshtamyzǵa qazaqstandyq geılerdiń quqyǵyn qorǵaý qajettigi týraly hat kelip túsken eken. Qoǵamnyń pikiri qashan da mańyzdy. Myna sumdyq jaǵdaıǵa beı-jaı qaraı almaǵan agenttik ujymy hatty jarıalap, quzyrly organdardan mundaı ultty qaralaıtyn jaıttardyń aldyn alýlaryn suraıdy.
"Táýelsizdiktiń shýaǵyna shomylyp týylyp, bólenip ósken urpaq jańa zaman únin estidi! Zaman úni bizdi adam teńdigi men quqyqtary úshin kúresýge, adamgershilik pen abyroı jolynda ter tógýge shaqyrady. Ýaqyt keldi! Endi jańa zaman qazaqtyń geı uldary men qyzdaryna úndeý tastaıdy", - dep bastaǵan óz úndeý hattarynda.
Sonymen qatar, ózderiniń sezimderin "haram dep aıyptady" degen renishterin de bildirgen. Ózderin "Qazaqstannyń tolyqqandy azamatymyz jáne de qazaqtar da zaman talabyna saı ózgerip otyrýlary qajet degen", - pikirdi ustanǵandar bir-birlerin "Geı azamat" dep shaqyrady.
Eń soraqysy: "Qazaqtyń geı uly men qyzy, seniń bar bolýǵa jáne sol shynaıy bolmysyńdy jarıa etip, ózge jurtpen teń bolyp ómir súrýge quqyǵyń bar. Ol quqyq bizdiń halyqtyń ejelden qanyna sińgen basty qundylyǵyna negizdelgen", - degen sózderiniń astarynda qoǵam bizdi osy kúıimizde qabyldap, bizdi qoldaýy kerek degen ózderiniń soraqy saıasaty jatqandyǵyn ańǵarýymyzǵa bolamyz. Ózderiniń bul is-áreketterin jynystyq-psıhologıalyq aýrýǵa shaldyqqandar dep emes, kerisinshe "júre paıda bolǵan ómir salty, zamanýı moda" dep túsindirip, qazaq ultynyń namysyna tıetin sózderdi jazyp qaldyrǵan.
Geı jáne bıseksýaldardyń qashannan beri qazaqqa baýyr bolǵanyn bilmeımiz, alaıda bular "qazaq eshqashan óz baýyryn syrtqa teppegen" dep ózderin qazaq ultynyń bir múshesi retinde barsha qazaqtarǵa baýyr, týyspysz dep sanaıdy eken.
Esterińizge sala ketsek, birneshe kún buryn qazaqstandyq geı, bıseksýaldardyń quqyǵyn qorǵaıtyn jańa portal ashyldy degen mazmunda aqparat jarıalaǵan bolatynbyz. Joǵarydaǵy hatty dál sol portaldyń jaýapty tulǵalary jibergen.
Sonymen qatar birneshe otandyq aqparattyq saıttarǵa úndeýlerin taratyp jatyr. Bul degenimiz - qazaqstandyq geı, bıseksýaldar boı kóterip, óz quqyqtaryn alǵa tartýǵa kóshken. Qazaqy mentalıtetimizge jat, mundaı oǵash qylyqtar qoǵamnyń narazylyǵyn týdyrmaı qoımaıdy.
El arasyna ylań týdyryp otyrǵan bundaı psıhologıalyq aýrýǵa dýshar bolǵandar endigi kezekte barshy jurtshylyqtyń nazaryn ózderine qaratyp otyr. Mundaı azǵyndyqty der kezinde aýyzdyqtamasa, únsiz qalyp, arty ulttyq dúrbeleńge ákelip soǵýy ábden múmkin.
