2017 jyly 31 naýryzda Astana ýaqytymen saǵat 08.22-de shtattan tys jaǵdaı týyndady dep habarlady, dep habarlaıdy qamshy.kz «Qazaqteleradıo» kompanıasyna silteme jasap.
Aqaýdyń saldarynan 13 baılanys jáne teleradıo habarlaryn taratý operatorlarynyń qyzmeti toqtatyldy.
Mınıstrlik qazir Respýblıkalyq ǵaryshtyq baılanys ortalyǵynyń mamandary spýtnık qyzmetin jáne baılanys pen teleradıo habarlaryn taratý operatorlarynyń jumysyn qalpyna keltirýdiń barlyq sharalaryn jasap jatqanyn aıtady.
«Respýblıkalyq ǵaryshtyq baılanys ortalyǵy» AQ baspasóz qyzmetiniń habarlaýynsha, «Qazirgi ýaqytta «Aqkól» ǵaryshtyq baılanys ortalyǵynyń qyzmetkerleri bas merdiger - M.V.Hrýnıchev atyndaǵy memlekettik ǵaryshtyq ǵylymı-óndiristik ortalyǵynyń ókilderimen birlesip, spýtnıktiń qalypty jumysyn jáne baılanys operatorlary jelisiniń jumysyn retke keltirý úshin barlyq qajetti sharalardy jasaýda. Júrgizilip jatqan barlyq sharalar týraly qosymsha habarlanatyn bolady», delingen.
Reseıdegi M.Hrýnıchev atyndaǵy memlekettik ǵaryshtyq ǵylymı-óndiristik ortalyqpen kelisimshart jasalǵanda, birden eki jer serigine tapsyrys berilgen. Iaǵnı eki spýtnıktiń de negizgi tehnıkalyq jáne qyzmettik tujyrymdamasy uqsas. Bul - «KazSat-2» de «KazSat-1»-diń kebin kıýi ábden múmkin degen sóz», - dep málimdegen edi Májilis depýtaty Erjan Rahmetov Úkimet basshysyna joldaǵan saýalynda.
Este bolsa, buǵan deıin ǵaryshqa ushyrylǵan «KazSat-1» jer seriginiń jobasy joǵalyp ketken. «KazSat-1» spýtnıgi Reseıde 65 mıllıon AQSH dollaryna jasalǵan. Bul spýtnık 2008 jyly maýsymda isten shyǵyp, keıin orbıtaǵa jiberilgen.
KazSat-1 — Jer aınalymyndaǵy alǵashqy ǵarysh jabdyǵy. 2008 jyly jeltoqsannyń 2-si kúni «KazSat-1» jer serigi jumysyn tolyǵymen toqtatqany týraly Parlament Májilisinde Halyqaralyq ister, qorǵanys jáne qaýipsizdik komıtetiniń otyrysynda Ulttyq ǵarysh agenttiginiń tóraǵasy Talǵat Musabaev málimdedi. Borttaǵy basqarý júıesiniń belgisiz sebeptermen jıi isten shyǵýy men qurylǵynyń sapasyzdyǵy múshkil jaǵdaıǵa ákep soqty, dep aıtqan bolatyn agenttik tóraǵasy.
Qazaqstannyń aýmaǵyn, Ortalyq Azıa respýblıkalaryn, Kavkazdy, Reseıdiń ortalyq bóligin qamtyǵan «KazSat-1» ǵarysh serigi 65 mln. dollarǵa saqtandyrylǵan. «KazSat-1» ǵarysh serigine jumsalǵan qarjy tolyǵymen qaıtaryldy dep jarıalanǵan.
Odan keıin Reseıde jasalǵan «KazSat-2» ǵarysh apparaty 2011 jylǵy 16 shildede «Baıqońyr» ǵarysh aılaǵynan geostasıonarlyq orbıtaǵa (GSO) ushyrylǵan bolatyn.
Baılanys jáne habar taratý spýtnıgi «RǴBO» AQ tapsyrysy boıynsha «M.V.Hrýnıchev atyndaǵy memlekettik ǵaryshtyq ǵylymı-óndiristik ortalyǵy» FMBK reseılik kásiporynmen Thales Alenia Space (Italıa) kompanıasymen birlesip jasaldy.
«KazSat-2» ǴA jasaý barysynda baǵdar jáne turaqtandyrý júıesinde SODER ı Astrium (Fransıa) óndirisiniń quraldary qoldanyldy.
«KazSat-2» spýtnıgi elektrondyq úkimettiń, teleradıo habar taratý, telefonıa, derekterdi tabystaý, sondaı-aq mýltımedıa, jyljymaly baılanys qyzmetterin kórsetý úshin arnalǵan.
Onyń qyzmet kórsetý aımaǵy Qazaqstan Respýblıkasynyń barlyq aýmaǵyn, Ortalyq Azıa elderin, Qytaıdyń, Mońǵolıanyń soltústik-batysyn, Reseıdiń ortalyq bóligin, Kúngeı Kavkaz elderin, Ýkraına men Belorýssıa bólikterin qamtydy.
Jalpy, «KazSat-2 – bul tól týyndymyz, ózimizdiń qolǵa basqarýǵa tolyq kóshken ǵarysh apparaty bolǵan. Eshqandaı aýytqýlar bolmasa, Qazaqstan óziniń taǵy bir spýtnıgin basqarýdy qolyna alar edi. Aıta keteıik «KazSat-2»-ge memleket qazynasynan 115 mln dollar bólindi.
Agenttik tóraǵasy Talǵat Musabaev ǵarysh apparattary jaıynda bylaı degen: «KazSat» serıaly ulttyq ǵarysh júıesi qazaqstandyq spýtnıktik operatorlar qyzmetin tutynýshylardyń suranysyn qanaǵattandyryp, elimizdiń aqparattyq qaýipsizdigin qamtamasyz etýge, sonymen birge sheteldik resýrstardy jalǵa alǵany úshin shetelge ketetin qarjy aǵynyn aızaıta túsý úshin qurylǵan».
Qamshyger: Gúlim JAQAN
