Qytaı men Zambıa elderiniń arasynda halyqaralyq janjal týdy. Onyń keń beleń alǵany sonshalyq Qytaı úkimeti álemdik uıymdardyń aldynda aqtalyp, Zambıa bıliginiń keshirim suraýyn talap etti. Janjal, Zambıanyń buqaralyq aqparat quraly «Qytaı adam etinen jasalǵan et satady» dep aqparat taratqannan bastaldy.  

Barlyǵy áleýmettik jelide Qytaıdyń et jasaıtyn kombınattary qaıtys bolǵan adamdardyń etin óndep, konservimen Zambıa eline eksporttalady degen aqparattyń shyǵýymen bastaldy. Oǵan qosymsha retinde «Adamnyń eti» degen ataýmen fotolar qosymsha berildi.

BAQ-ta bul aqparat pen foto tez taralyp, halyq arasynda narazylyq týdyrdy. Zambıanyń aqparat quraldary naqty kombınattardyń atyn atap, fotolardy jarıalaǵannan keıin Qytaı zambıalyq BAQ-ty tekserilmegen jalǵan aqparat taratty dep aıyptaǵan. Maqalada Qytaıda qaıtys bolǵandardyń denesin kómetin jer bolmaǵandyqtan, odan paıda kórip, satylymǵa shyǵardy degen maǵynadaǵy aıyptaýlar bar. Tipti Qytaıda adamnyń eti qymbat bolǵandyqtan ony qaltaly adamdar ǵana jeı alady degenderi de boldy. Osydan keıin Zambıanyń Qytaıdaǵy elshisi Iang Iýmıng resmı túrde joǵaryda atalyp ótken aqparattardyń barlyǵyn joqqa shyǵardy.

Tekseris barysynda aqparattyń jalǵan ekendigi anyqtaldy. Al foto Londondaǵy Smıtfıld bazarynda jarnamalyq kompanıanyń túsirgen fotosy bolyp shyqty. 

Zambıanyń qorǵanys mınıstriniń orynbasary Krıstofer Mýleng Qytaı úkimetinen keshirim surap, jalǵan aqparat taratqandardy jazalaýdy qolǵa alatynyn aıtty. Tekseris jumystary bastalyp ketti.