Ulybrıtanıadaǵy eń úlken otbasy sanalatyn Redfordtardyń 19 perzenti bar. Sú Redford jýyrda jıyrmasynshy sábıin dúnıege ákelmek, dep jazady sheteldik baqqa silteme jasap Stan.kz portaly

Sú qýanyshty jańalyqty rastap, jelige otbasynyń sýretin júktedi. Ol 20-shy perzentin 2017 jyldyń qyrkúıeginde dúnıege ákeletinin aıtty.  Noel men Súdiń 19-perzenti Fıbı ótken jyldyń shilde aıynda týylǵan.

Fıbıden bólek, juptyń Krıs (27 jas), Sofı (22 jas), Hloı (21 jas), Djek (19 jas), Danıel (17 jas), Lúk (15 jas), Mıllı (14 jas), Ketı (13 jas), Djeıms (12 jas), Ellı (11 jas), Eımı (10 jas), Djosh (9 jas), Maks (7 jas), Tılı (6 jas), Oskar (4 jas), Kasper (3 jas) jáne Holı esimdi sábıi bar.

Kópbalaly otbasy memleketten eshqandaı da materıaldyq kómek kútpeıdi.  Syılyq tańdaýǵa kelgende jaǵdaı kúrdeli deıdi Sú. Ol Rojdestvo merekesine qyrkúıek aıynan bastap daıyndalady. 19 birdeı balasyna syılyq alý úshin aldyn ala jospar da qurady eken.«Jyl boıy josparlaýǵa týra keledi», – dep túsindirdi kópbalaly ana.

Noel men Sú bir-birin bala kezden súıedi. Sú alǵashqy sábıi Krısti nebári 14 jasynda dúnıege ákelegen. Búginde kópbalaly ata-ananyń úsh nemere súıip otyrǵan jaıy bar.

Jup jylyna balalaryna 30 000 fýnt sterlıń jumsaıdy. Árqaısysynyń týǵan kúnine 100 fýnttan, al Rojdestvo kezindegi ár balanyń syılyǵyna 100-250 fýnt aralyǵynda aqsha ketedi eken.

Budan bólek, kópbalaly otbasy jyl saıyn shet memlekette demalady.  Sú alǵashqyda úsh bala týýdy josparlaǵanyn aıtty. Alaıda ár sábımen baqyttary eselene túsken ata-ana úsheýden keıin de toqtaı almaǵan.