31 naýryzda Qazaqstannyń kóptegen oblystarynda aýa raıynyń qolaısyzdyǵyna baılanysty kólik quraldarynyń barlyq túri úshin joldar jabyldy, - dep habarlaıdy tengrinews.kz QR İİM TJK "Qazaqavtojol" respýblıkalyq memlekettik qazynalyq kásipornyna silteme jasap. 

Pavlodar oblysynda (186-220 shaqyrymynda) joldy sý basqan. Shyǵys Qazaqstan oblysynda qardyń erýine baılanysty (8-166 shaqyrymynda) Semeı - Qaınar tas joly jabyldy. Aqmola oblysynda aýa raıynyń qolaısyzdyǵyna baılanysty (qatty jel, qar, kórý múmkindiginiń tómendigien) Kókshetaý - Atbasar (48-184 shaqyrymynda), Qostanaı oblysynda (232-260 shaqyrymynda) Qostanaı - Áýlıekól - Suraǵan joldary jáne Jezqazǵan - Petropavl tasjoly jabyldy. Soltústik Qazaqstan oblysynda aýa raıynyń qolaısyzdyǵyna (jeldiń kúsheıýi, boran) baılanysty barlyq kólik túrleri úshin joldar jabyldy. 

Osyǵan deıin, 31 naýryzdan 2 sáýirge deıin kúnniń jylynýyna baılanysty Shyǵys Qazaqstan oblysyndaǵy ózenderdiń deńgeıi kóteriletini jáne sý basý qaýipi bary týraly habarlandy.