Sarý Brıerlı 5 jasqa tolǵan kezde ol basqa poıyzǵa otyryp, óziniń Kalkýttadaǵy úıinen 1500 shaqyrym alysqa uzap ketedi. Bala jol taýyp óz úıine qaıtqysy kelgenimen úlken qalada oǵan kómek qolyn sozyp, jol kórseter eshkim tabylmaıdy, dep habarlaıdy Stan.kz

Sarý biraz ýaqyt kóshede túnep, sosyn jergilikti bala asyrap alý agenttigi oǵan Avstralıadan jańa otbasyn taýyp beredi. Ol otbasy Sarýdy otany Úndistannan alyp ketedi. Bala aǵylshyn tilin úırenip, asyrap alǵan ata-anasynyń qasynda erjetedi. Biraq, eshqashan da óz otbasyna qaıta oralsam degen úmitin úzbeıdi.

25 jyldan soń Sarý Google Earth servısi týraly estip, ol arqyly óz úıin izdeı bastaıdy. Ol qalasynyń atyn da, Kalkýttaǵa qaı poıyzben kelgenin de bilmedi. Biraq, klımaty jyly aımaqta ósip, bala kezde hındı tilinde ǵana sóılegenin bildi. Jáne kóp adam Sarýǵa Shyǵys Úndistan turǵynyna qatty uqsaıtynyn aıtatyn.

Ol spýtnıktik fotografıalar arqyly óz úıin de taýyp alady. Aqyrynda ol óz anasymen de kezdesedi.

Er adam óziniń ómiri týraly osynaý ǵajaıyp oqıǵany “Úıime deıingi uzaq jol” atty kitabynda baıandaıdy.

Jáne ol týraly 2017 jyly “Oskar” syılyǵynyń 6 atalymynda jeńgen “Lev” fılmi túsirilgen.