Jahandaný zamanynda aqparat aǵymy tolastap damyǵan saıyn, onyń sarqylmas kúshin óz paıdańa jarata bilip, keregin alyp, kereksizin qaldyryp osy aqparatty qajettiligińe qoldanyp ózińdi jetildirýiń kerek.
Aqparat- bul búgin. Jańalyq –búgin. Keshegi, bir saǵat buryńǵy aqparat jańalyq emes. Aqparat beretin kózder de, ony oqıtyn, qabyldaıtyn kózder men túısikter de jeterlik. Alaıda sol tolassyz aqparat aǵymynda barlyǵyn birdeı qabyldaý, oqý, qaraý mańyzdy ma? Aqparattyń qajetsiz, qajetsizdigin, mańyzdy mańyzssyzdyǵyn adamdarǵa jastaıynan bastap qabyldaýǵa úıretý kerek. Jas urpaqty qazirgi aqparattyq zaman talaptaryna, túrli aqparatty qabyldaý men analızderge daıyndaý, adamdy ony túsinýge onyń psıhıkasyna áser bilýge úıretý bolyp tabylady.
Qazirgi aqparat qajettiligi dáýirlegen ǵasyrda, aqparattyń tizginshileri – jýrnalıserdiń kásibı saýattylyǵyn medıa bilim berý arqyly arttyrý qajet. Sondyqtan, jýrnalıserge sapaly bilim berý, bilikti maman daıyndaý kerek.
HHİ ǵasyr – aqparattyq qoǵam ǵasyry. Osy oraıda balalardy, jastardy aqparattyq turǵydan saýattandyrýǵa kóńil bóliný kerek. Iaǵnı, jastar kishkene kezinen bastap medıaǵa kóńil bólip ósýi tıis. Qazirgi tańda jastardy osy baǵytta sýsyndatyp júrgen arnaıy medıapedagoktar da bar. Olardyń ishinde L.Masterman (L.Masterman) qazirgi álemdegi medıabilimniń mańyzdylyǵy men basymdyǵyn aıqyndaıtyn jeti sebebin negizdep berdi:
-Medıany tutynýdyń joǵary deńgeıi jáne qazirgi qoǵamda buqaralyq aqparat quraldarynyń shekten tys kóptigi.
-Medıanyń ıdeologıalyq mańyzdylyǵy, ónerkásiptiń salasy retinde olardyń aýdıtorıanyń sanasyna yqpaly.
-Medıaaqparat sanynyń jyldam ósýi, ony basqarý jáne taratý tetikteriniń kúsheıýi.
-Negizgi demokratıalyq prosesterge medıanyń ený ıntensıvtiligi.
-Barlyq salada vızýaldy komýnıkasıa men aqparat mańyzdylyǵynyń artýy.
-Bolashaq talaptarǵa sáıkes baǵdarlanǵan oqýshylardy, stýdentterdi oqytýdyń qajettiligi.
-Aqparatty jekeshelendirýde ulttyq jáne halyqaralyq prosesterdiń ulǵaıýy.
Jastar sanasyn metkep shaǵynan bastap medıaǵa beıimdeý, bilim berý salasynda arnaıy jabdyqtardy qoldaný - olardyń synı oılaý qabiletin, jan-jaqtylyǵyn damytady. Aqparattyq tehnologıalardy bilim berý salasynda qoldaný arqyly úlken nátıjelerge qol jetkizýge bolady.
Araılym Meldeshova
