Jaqynda eki balanyń bir tósekte jatqan sýretteri ınternet jelisinde qaptap ketken edi. Osyǵan sáıkes prokýratýra Jańaózen qalasyndaǵy  balabaqshany tekserip shyqty dep habarlaıdy Qamshy aqparattyq agenttigi tumba.kz-ke silteme jasaı otyryp. "Bilim salasyndaǵy baqylaý departamenti balabaqshaǵa  tekserý júrgizdi. Kináli tulǵalarǵa qatysty sáıkesinshe buıryq shyǵarylyp, balabaqshanyń dırektory jumystan shyqty", - deıdi Jańaózen prokýratýrasy.

Balalar baqshasynda birqatar zańbuzýshylyqtar anyqtalǵan, biraq  búldirshinderdiń tósek oryndarymen ydys-aıaqtar jetkilikti bolyp shyqty.

Taǵy da aıta ketetini 280 bala syıatyn №13 balabaqshada tekseris kezinde 168 bala ǵana bolǵan.

" №13 balabaqshanyń dırektory óz erkimen jumystan shyqty. Mańǵystaý oblysynda mundaı jaıt alǵash ret bolyp otyr", - deıdi Bilim salasyn baqylaý departamentiniń basshysy Esbolat Ómirzaq.