«Qazgıdromet» RMK-nyń sınoptıkteri 2 tamyzǵa arnalǵan aýa raıy boljamyn jarıa etti, dep habarlaıdy Qamshy.kz aqparat agenttigi. Frontaldy aǵymdardyń ótýine baılanysty respýblıkanyń keı jerlerinde aýa raıy turaqsyz bolady. Birqatar aımaqtarda naızaǵaı shyǵyp, jaýyn jaýsa, keı jerlerde jel kúsheıip, burshaq jaýýy da múmkin.

Batysta, ońtústik batysta jáne soltústik shyǵysta kún ashyq bolady. Qostanaı, Aqtóbe oblystarynyń birqatar aımaqtarynda sekýndyna 15-20 metr jel turady. Burshaq jaýýy da yqtımal.

 Qyzylorda, kúndiz Aqmola oblysynda jeldiń kúshi sekýndyna 15-20 metrge jetedi. Munda da burshaq jaýýy yqtımal.

Shyǵys Qazaqstan oblysynyń keı jerlerinde burshaq jaýady, kúndiz jel sekýndyna 15-20 metrge deıin kúsheıedi.

 Soltústik Qazaqstan oblysynyń keı jerlerinde sekýndyna 15-20 metr jyldamdyqpen jel soǵady. Jekelegen aýdandarda burshaq jaýyp, túnde jáne kúndiz tuman túsýi yqtımal.

Jambyl, Atyraý, kúndiz Ońtústik Qazaqstan, Mańǵystaý, Qaraǵandy oblystarynda sekýndyna 15-23 metr jyldamdyqpen jel soǵady.

Batys Qazaqstan oblysynyń keı jerlerinde jel sekýndyna 15-20 metrge deıin kúsheıedi, kúndiz daýyl kóterilýi múmkin.

Kúndiz Atyraý oblysynda, sondaı-aq Aqmola, Almaty, Jambyl, Ońtústik Qazaqstan, Qyzylorda, Mańǵystaý, Qostanaı jáne Qaraǵandy oblystarynyń birqatar aımaqtarynda aptapty ystyq bolady.

Qyzylorda, Ońtústik Qazaqstan, Jambyl, Almaty oblystarynda, sondaı-aq Atyraý, Batys Qazaqstan, Aqtóbe, Qaraǵandy oblystarynda órt qaýipi saqtalady.