Almatyda biqatar kadrlyq taǵaıyndaý boldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Qazaqstan Respýblıkasy Prezıdentiniń kadr saıasaty jónindegi Ulttyq komısıasynyń usynysy jáne Memlekettik qyzmet isteri men sybaılas jemqorlyqqa qarsy is-qımyl agenttiginiń kelisimi boıynsha Almatyda birqatar kadrlyq taǵaıyndaýlar boldy.

Alataý aýdanynyń ákimi Baǵdat Manzorov Almaty qalasy Memlekettik sáýlet- qurylys baqylaý basqarmasynyń basshysy, al Jetisý aýdanynyń ákimi Talǵat Razaqov Almaty qalasy Memlekettik eńbek ınspeksıasy jáne kóshi-qon basqarmasynyń basshysy bolyp taǵaıyndaldy.

Alataý aýdanynyń ákimi - Baǵdat Manzorov

Jetisý aýdanynyń ákimi - Talǵat Razaqov

Almaty ákimi Memlekettik sáýlet- qurylys baqylaý basqarmasy jańa basshysynyń aldyna prınsıpti jáne júıeli isti talap etetin birqatar mindetterdi qoıdy.

Iaǵnı, qalada salynyp jatqan barlyq nysandarǵa júıeli baqylaý júrgizilýi tıis. Osy jyldar ishinde kóptegen turǵyn keshenderiniń, komersıalyq nysandardyń birqatary zańsyz salynǵan. Almaty ákimi qurylys júrgizýge lısenzıa berý isin retteýdi tapsyrdy. Óıtkeni,lısenzıa alǵan keıbir jaýapkershiligi tómen qurylysshylar sapasyz nysan salady, sonyń saldarynan turǵyndardan kóp shaǵym túsedi.

Almaty ákimi Memlekettik eńbek ınspeksıasy jáne kóshi-qon basqarmasy jańa basshysy aldyna da jańa mindetter qoıdy, basqarma jumysyn túbegeıli ózgertýdi, saraptama jasaýǵa basty nazar aýdarýdy, naqtyly máselelerdi júıeli sheshýdi tapsyrdy.

Jalaqy tóleýdegi qaryz máselesin naqtyly sheship, jumysty ońtaılandyrý qajet ekenin atap ótti. Eńbekaqy boıynsha qaryz bolyp qalmaýdyń tıimdi joldaryn izdestirý kerektigin aıtty. Zeınetaqy tólý Ortalyǵymen, salyq jónindegi memlekettik kiris departamentimen birigip jumys isteý kerektigin naqtylady. Qazirgi kezde Memlekettik eńbek ınspeksıasy tek shaǵym túsken kezde qımyldaıdy, mundaı nemquraıdylyqqa jol berilmeýi tıis ekenin jetkizdi.

Almaty ákimi jańa basshynynyń nazaryn kóleńkeli ekonomıka máselelerin sheshýge, sonyń ishinde kóleńkeli jumys kúshiniń zańsyzdyǵyna, qurylysta qaýipsiz eńbekti qamtamasyz etýge aýdardy. Zeınetaqy qoryna qarjy aýdarmaı, salyq tólemeı, konvertpen jalaqy alatyndarbar ekeni, kásiporyndarda kóptegen qaıǵyly jaıttardyń oryn alatyndyǵy jasyryn emes. Mine, osy keleńsiz jaıttardyń barlyǵyna tosqaýyl qoıylýy tıis.

Sondaı-aq, ákimdiktegiler Alataý aýdanynyń 9 jyl ishinde jedel qarqynmen damyǵanyn aıtyp ótti. "Munda 4 jańa emhana, 9 mektep, 12 memlekettik bala baqsha, Atletter aýyly, "Almaty arena" salyndy. "Alǵabas-6", "Nurkent", "Aqkent" yqsham aýdandarynda turǵyn keshenderiniń qurylysy jalǵasýda. 9 jyl ishinde aýdanda óndiris ónimi 12 ,3 ese, ınvestısıa 32 ese ósti. Salyq túsimi 3 ese artyp, 22,5 mıllıard teńgeni qurady. Al Jetisý aýdanynda sońǵy 4 jyl ishinde salyq túsimi 21 paıyzǵa artty, óndiris ónimi 30 mıllıard teńgege (22 paıyz) jetti, negizi kapıtal ınvestısıasy eki ese ósti, 14 jeke bala baqshalar men 11 mınıortalyqtar ashyldy", - dep habarlady ákimdiktiń baspasóz qyzmetindegiler.