QazAvtoJol" UQ" AQ ókilderi Almaty oblysyndaǵy "Altyn Orda" bazary mańyndaǵy joldy keńeıtý jumystaryna qatysty túsinik berdi. Ulttyq kompanıadaǵylar joldy keńeıtý jumystarynyń keıinge qaldyrylǵanyn aıtty, dep habarlaıdy Qamshy.kz aqparat agenttigi.

"Almaty-Bishkek avtojolynyń 16-20 shaqyrymyndaǵy jolǵa qatysty jobaǵa eleýli ózgeristerdiń engizilýine baılanysty bul joba eki kezeńge bólindi. Nátıjesinde joba qarastyrylyp, Almaty jáne Almaty oblysy ákimgidiniń profıldi vedomstvolary osyǵan qatysty sheshim qabyldaıdy. Qazirgi jaǵdaıdy eskere otyryp, jobanyń naqty baǵasyn bilý úshin jáne oǵan qatysty qorytyndy sheshim qabyldaý úshin jobany "Memlekettik saraptama" mekemesine joldadyq. Sondyqtan jobany qarastyrýǵa biraz ýaqyt ketedi", - dedi QazAvtoJol" UQ" AQ ókilderi.

Osylaısha, qurylys jumystary shamamen 2017 jyldyń jeltoqsan aıynda bastalady.

Sondaı-aq, kompanıalaǵylar jobaǵa tolyqtyrýlar men ózgertýler engizilgen kezde "Asyl Arman" turǵyn úı kesheniniń mańynda estakada salynatynyn jáne Raıymbek aýylynyń mańynda jerústi jaıaý ótpeli jol salý týraly jobanyń qosylǵanyn aıtty.

Eske sala keteıik, osyǵan deıin Almatyda "Altyn Orda" bazarynyń aldyndaǵy joldy keńeıtý úshin saýda oryndarynyń súriletini jaıly aıtylǵan bolatyn. Al "Qazavtojol" AQ ókilderi Almaty-Bishkek avtojolynyń 16-20 shaqyrymynda únemi bolatyn kepteliske qatysty máseleni sheshý úshin "Altyn Orda" men "Barlyq" saýda ortalyqtary mańyndaǵy joldarǵa arnaıy joba daıyndalǵanyn aıtty.

Al keıinirek "Altyn Orda" bazarynyń mańyndaǵy joldyń alty jolaqty bolatyny habarlanǵan edi.