"Sporttyq Almaty" baǵdarlamasynyń aıasynda osy kúnge deıin megapolıste uıymdastyrylyp kelgen velosherýdiń tarıhynda 100-shi mereıtoılyq jappaı velosherý ótti, - dep habarlaıdy Qamshy.kz aqparat agenttigi.

Búgin «Sporttyq Almaty» baǵdarlamasy aıasynda kezekti velosherý ótti. Bul sporttyq is-shara Almaty shaharyndaǵy velosherýlerdiń 100-si bolǵandyqtan qatysýshylardyń da sany kóp boldy.

500-den asa belsendi demalysty qoldaýshylar 12 shaqyrymdy baǵyndyrǵan. Olar "Nurly Taý" bıznes ortalyǵynan bastaý alyp, QR ortalyq memlekettik mýzeıinde máre syzyǵyn kesti. 

Kóptegen syılyqtar oınatyldy, basty syılyq retinde velosıped tigildi. Uıymdastyrýshylar fleshmob ázirlep, latynamerıkalyq ánderge bı bıledi. Velosıpedtiń ıesi birinshi ret qatysyp otyrǵan Zahır Mýllaevqa buıyrdy.

"Biz dosymyz ekeýimiz velosıpedti jıi tebemiz, salaýatty ómir saltyn qoldaımyz. Búgin birinshi ret qatysýdyjón kórip, oılamaǵan jerden osyndaı syılyqqa ıe boldym. Óte baqyttymyn. Bularyńyz úshin úlken raqmet. Endigide jıi qatysyp turamyn.", - dedi Mýllaev. 

Almaty qalasy boıynsha josparlanǵan 22 velosherýdiń bul on birinshisi eken. "Sporttyq Almaty" baǵdarlamasy jappaı sport túrin damytýǵa, belsendi sporttyq demalysty nasıhattaýǵa baǵyttalǵan.