Nátıjeli jumyspen qamtýdy jáne jappaı kásipkerlikti damytý baǵdarlamasy aıasynda 2017 jylǵa 85,3 mlrd. teńge qarastyrylǵan dep habarlaıdy Qamshy.kz aqparat agenttigi.

Jedel derekterge sáıkes, aǵymdaǵy jyldyń 1 tamyzynda Baǵdarlamaǵa qatysýǵa 276,2 myń adam nıet bildirip, onyń ishinde 248,4 myń adam nemese 90%-y Baǵdarlamaǵa qatysýshylar qataryna qosyldy.

Jumyspen qamtý baǵdarlamasyndaǵy 200 myń adam (nemese qatysýshylardyń 80,5%-y) – jumyssyz, al 48,4 myń adam (19,5%) ózin jumyspen qamtyǵan sanalady.

Eseptik kezeńde eńbekpen qamtylǵan 213,9 myń adamnyń 83,4%-y nemese 178,3 myń adam mindetti zeınetaqy jarnasyna ıe.

Turaqty jumysqa eńbekpen qamtylǵandardyń jalpy sanynan (119,9 myń adam) 56,1%-y ornalasty.

Baǵdarlamanyń alǵashqy baǵytynda tehnıkalyq-kásibı bilimmen jáne qysqa merzimdegi kásibı oqýmen qamtamasyz etý kózdelgen.

Bul baǵyt aıasynda aǵymdaǵy jyldyń 1 qyrkúıeginen Ulttyq biryńǵaı testileýden ótpegen jáne oqý oryndaryna túspegen mektep túlekteri úshin tegin kásibı jáne tehnıkalyq bilim qamtamasyz etiletin bolady. Qajetti erejeler qabyldanyp, UBT-dan ótpegen oqýshylardyń tizimderi anyqtaldy. 320-ǵa jýyq bilim berý uıymdary men kolejderdiń jáne oqý ortalyqtarynyń tizbesi bekitildi.

21 myńǵa jýyq jas tolqyn ókili Baǵdarlama esebinen 2,5 jylǵa, oqýyn jáne shákirtaqysyn tóleı otyryp, sondaı-aq, jol shyǵynyn óteý, birjolǵy ystyq tamaqpen qamtamasyz etý arqyly tehnıkalyq-kásibı oqýǵa joldanady.

Aǵymdaǵy jyldyń 1 sáýirinen eńbek naryǵynda suranysqa ıe kásipter men daǵdylar turǵysynda jumysshy kadrlardy kásibı oqytý bastaldy. Búgingi tańda qysqa merzimdi kýrstarǵa 27,7 myń adam jiberilgen.

Mınıstrlik pen «Atameken» UKP arasynda ózara yntymaqtastyq pen árekettesý jaıly memorandýmǵa qol qoıylǵan. Qazirgi kezde «Atameken» UKP tizilimine 39 kásiporyn engen.

Búginde Almaty men Qyzylorda oblystarynda jumys berýshilerdiń oqý ortalyqtarynda oqý bastalǵan.

5 óńirde (Aqmola, Aqtóbe, Shyǵys Qazaqstan, Mańǵystaý, Qostanaı oblystary) qanatqaqty tártipte mobıldi oqý ortalyqtary arqyly qysqa merzimge arnalǵan kásibı oqytý synaqtan ótedi.

Qazirde Aqtóbe, Qostanaı jáne Mańǵystaý oblystarynda mobıldi oqý ortalyqtaryn jetkizý boıynsha qyzmet kórsetýshilermen sharttar jasalyp, Aqmola jáne Shyǵys Qazaqstan oblystarynda baıqaý prosedýralary ótkizilýde.

Ekinshi baǵyt: jappaı kásipkerlikti damytý.

Bul maqsatta jańa Baǵdarlamada nesıeleý aýqymy keńeıip, qala turǵyndary da qatysatyn bolyp sheshildi.

Nesıeniń joǵarǵy somasy 18 mln teńgege deıin ósip, merzimi 5 jylǵa deıin, al mal sharýashylyǵymen nemese aýylsharýashylyǵy kooperatıvin qurýmen aınalysqan jaǵdaıda 7 jylǵa deıin anyqtaldy jáne de túpki qaryz alýshyǵa jyldyq nesıe mólsherlemesi 6%-dan aspaıtyndaı belgilendi. 

Baǵdarlamaǵa «Damý» qory, «Qazagro» ulttyq basqarýshy holdıńiniń enshiles uıymdary – Aýyl sharýashylyǵyn qarjylaı qoldaý qory men Agrarlyq nesıe korporasıasy jáne «Qazagrogarant» AQ syndy qarjy ınstıtýttary jumyldyrylǵan.

Nesıege qoljetimdilik órisin uzartý maqsatynda nesıelerdi kepildendirý tetigi engizilgen: bastaýysh kásipkerlerge 85% jáne kásibi qyzmet etip turǵan bıznes ıelerine 50% mańaıynda. «Aýyldaǵy shaǵyn nesıeleý» erejelerinde (QR Aýyl sharýashylyǵy mınıstrligi buıryǵymen bekitilgen) zań júzinde jeke tulǵalarǵa shaǵyn nesıe alýǵa qajet qujattar sany 30-dan 14-ke, zańdy tulǵalarǵa 9 qujatqa deıin qysqardy.

7 aıda aýylda 3 102 shaǵyn nesıe berilse, onyń ishinde Aýyl sharýashylyǵyn qarjylaı qoldaý qory arqyly 2 581 adam, Agrarlyq nesıe korporasıasy arqyly (Shaǵyn nesıeleý uıymy men Nesıelik seriktestikter) 521 adam nesıelengen. Bul rette 1 886 adam nemese jospardan 32,5% jańa Baǵdarlama qarajaty esebinen shaǵyn nesıe alǵan (5800 shaǵyn nesıe).  

Eń kóp shaǵyn nesıe Ońtústik Qazaqstan (922) jáne Pavlodar (144) oblystarynda berilse, eń azy Atyraý oblysynda (40) tirkelgen.

Osymen birge, sáýir aıynda, Baǵdarlama qatysýshylaryn kásipkerlik daǵdylarǵa úıretýge jáne olardyń bıznes-jobalaryn qoldaýǵa arnalǵan «Bastaý-bıznes» jobasy bastaý aldy.

Búgingi ýaqytta kásipkerlik negizderine oqytýmen 7 834 adam nemese jospardan 52% (15 000 adam) qamtylyp, oqýyn 5 707 adam aıaqtady.

Úshinshi baǵyt: halyqty jumyspen qamtýǵa járdemdesý men eńbek resýrstarynyń utqyrlyǵyn arttyrý arqyly eńbek naryǵyn damytý.

Úshinshi baǵyt jóninde jumyssyz jáne ózin jumyspen qamtyǵan jandardy jumyspen qamtýǵa járdemdesýde 213 myńnan astam adam eńbekpen qamtylyp, áleýmettik jumys oryndaryna 18 myń adam nemese jospardan 109,7%, qoǵamdyq jumystarǵa 61 myńǵa jýyq adam nemese jospardan 78,5% jiberilse, 15 myń jas maman nemese jospardan 88,2% jastar tájirıbesine joldanǵan. 120 myńdaı azamat bolsa, jumys berýshilerdegi bos oryndarǵa Jumyspen qamtý ortalyqtary arqyly turǵyzylǵan. 

Eńbek utqyrlyǵyn arttyrý sharalary boıynsha, Baǵdarlamany tájirıbede shyńdaý maqsatynda, eldiń soltústik jáne ortalyq oblystaryndaǵy jumys berýshilerdiń qatysýymen eńbek kúshi artyq óńirlerde 5 óńiraralyq bıznes-forým ótkizý josparlanǵan.

Aǵymdaǵy jyly kóshti qabyldaıtyn óńirlerdegi jumys berýshilerdiń atsalysýymen Ońtústik Qazaqstan, Mańǵystaý jáne Almaty oblystarynda óńiraralyq bos jumys oryndary jármeńkeleri ótti.

Bıylǵy 1 tamyzdaǵy jaǵdaı boıynsha 442 otbasy qonys aýdarsa, onyń 172-si eńbek kúshi artyq óńirlerden kóshken ishki qonys aýdarýshylar bolyp sanalady.

Baǵdarlamaǵa azamattardyń erikti qonys aýdarýyn yntalandyrý turǵysynan birqatar qosymsha sharalardy engizý maqsat etilýde:

- qonys aýdarýshylarǵa kósh pen baspana jaldaýǵa jáne qonys aýdarýshylardy ornalastyrý máselelerin tolyq sheshe otyryp, turaqty jumysqa qabyldaýǵa daıyn jumys berýshilerge sýbsıdıa berý;

- «Turǵyn úı qurylys jınaq banki» AQ arqyly qonys aýdarýshylarǵa qaryz ben sýbsıdıa berýdiń ońaılatylǵan júıesi;

-  qonys aýdarýshylarǵa uzartý quqyǵymen ári baıqaý ótkizýsiz óteýsiz negizde qoldaný boıynsha baý-baqsha ósirýge, komersıalyq maqsattar men aýylsharýashylyq qyzmetine jer telimderin berý;

- «Bıznes-bastaý» jobasy boıynsha oqýdan soń jańa bıznes-ıdeıalardy iske asyrý úshin granttar berý;

- túlekterdi «Máńgilik el jastary – ındýstrıaǵa!» jobasy boıynsha («Serpin – 2050») qonys aýdarý jerine qaramastan, Baǵdarlamaǵa qatysýshylar quramyna qosý.