Qostanaıda 11 adamnan turatyn esirtki mafıasyn áıel adam basqarǵan. Qylmystyq top múshelerin aıyptaý boıynsha qylmystyq is mamandandyrylǵan aýdanaralyq sotqa jóneltildi, dep habarlaıdy Qamshy.kz aqparat agenttigi Qostanaı oblystyq prokýratýrasynyń baspasóz qyzmetine silteme jasaı otyryp.

Aqparatqa súıensek, Qostanaı jáne Rýdnyı qalasynyń 11 turǵyny "iri jáne asa iri kólemde esirtkilik zattardy satý úshin zańsyz satyp alý, tasymaldaý, saqtaý" áreketterine barǵan. Olar bul qylmysy úshin 15-20 jylǵa nemese ómir boıyna sottalýy múmkin. 

Esirtki mafıasy byltyr jyl boıy belsendi jumys istegen. 2016 jyly jeltoqsanda kúdiktiler ustaldy. Qylmystyq toptyń basshysy áıel adam bolyp shyqty, onyń úıin tintý barysynda 3 keli 227 gram geroın men oq atatyn qarý jáne oq-dári tabylǵan.