Izraıl, AQSH pen Reseı arasynda qupıa kezdesý ótti. Kezdesý barysynda Sırıadaǵy jaǵdaıdy retteý týraly kelissózder júrgizildi. Haaretz málimetinshe, úsh el ókilderiniń kezdesýi Gambýrgte ótken G20 samıtindegi Tramp pen Pýtın kezdesýiniń aldynda oryn alǵan, dep jazady Qamshy.kz aqparat agenttigi.

Úsh eldiń ókilderi Iordanıanyń astanasy Amman qalasynda kezdesken nemese Eýropadaǵy bir eldiń astanasynda bas qosqan.

Derekterge sáıkes, Izraıl jaǵynan kezdesýge Syrtqy ister mınıstrliginiń ókilderi, Qorǵanys mınıstrligi ókilderi, «Mossad» syrtqy barlaý ókilderi men memlekettiń qarýly kúshteri qatysqan.

Amerıka jaǵynan Sırıaǵa baılanysty arnaıy elshi, memlekettik hatshynyń kómekshisi Maıkl Ratnı, «Islam memleketter» terorıstik uıymǵa qarsy koalısıadaǵy AQSH prezıdentiniń arnaıy ókili qatysty.

Reseı jaqtan Sırıaǵa baılanysty prezıdenttiń arnaıy elshisi Aleksandr Lavrentev qatysty.

Málimetterge sáıkes, Ammanda bir kúnde eki kezdesý ótken. Ekeýi de Sırıadaǵy jaǵdaıǵa baılanysty júrgizilgen.

Birinshi kezdesýge AQSH, Reseı, Izraıl ókilderi qatysty. Tel-Avıv óziniń pozısıasyn Vashıngton men Máskeýge tanystyrdy. Ekinshi kezdesý Izraıl, AQSH, Iordanıa arasynda ótti. Bul kezdesýde Tel-Avıv pen Ammannyń kózqarasy bir jerden shyqty.

Birneshe kúnnen keıin Izraıl men AQSH, Reseı ókilderi Eýropadaǵy bir memlekettiń astanasynda qaıta bas qosty. Derekterge sáıkes, bul kezdesýge Iordanıa jaǵynan ótken kezdesýge qaraǵanda joǵary qyzmettegi memleket ókilderi qatysqan.

Bul kezdesýde Izraıl Iran áskerin Sırıadan shyǵarýdy usyndy.