«Egemen Qazaqstan» gazetinde jarıalanǵan  «Bolashaqqa baǵdar: rýhanı jańǵyrý»  atty  baǵdarlamalyq maqalańyzdy  qoǵam qazaq eliniń  rýhanı damýy men jańarýynyń  tuǵyrnamasy retinde qabyldady, dálirek aıtsaq, ulttyq sanamyz ben rýhanı óremizdi dúr silkindiretin, ult bolyp uıysýǵa, el bolyp beldi bekem býýǵa, ulttyq namysty tý etýge bastaıtyn tarıhı qadam retinde qabyldady desek, bul artyq aıtqandyq emes.

     Ulttyń rýhanı jańǵyrýyna bastaıtyn naqty qadamdardyń aldyńǵy qataryna qazaq tili jazýyn  latyn jazýyna kóshirý máselesiniń qoıylyp, naqty mindetter belgilenýi de ulttyq sanany silkintý, jańǵyrtý mindetinen týyndap otyrǵandyǵy anyq. Mańyzdylyǵy, qajettiligi jaǵynan, múmkin tildiń ǵana emes, tutas qazaq ultynyń búgini ǵana emes, bolashaǵy úshin de biregeı, basty másele - ulttyq  álipbı týraly maqalada aıtylǵan tıanaqty oı - qoǵamda úlken qyzyǵýshylyq týdyrdy. Óıtkeni ulttyq álipbı taqyryby ult zıalylarynyń kópten kútken áńgimesi edi.

     Jazý júıesinde bolatyn bul ózgerister «ult úshin degen uly is» (A.Baıtursynuly) ekendigi sózsiz. Basty másele anyq - qazirgi qazaq jazýyna, onyń emlesine ózgeristerdiń sózsiz qajettigi. Jańa álipbı,  eń aldymen,  qazaq tili bolashaǵy  úshin, «qazaq tilin jańǵyrtý úshin» kerek ekendigin qazaq qoǵamy búginde  anyq túsindi jáne bul ózgeristerge daıyn.

     Sondyqtan da barlyq batysqazaqstandyq til janashyrlary bul tarıhı bastamaǵa tolyq qoldaý bildirýde, biz qoǵam bolyp jan-jaqty saraptaý men oı eleginen ótkizýge, qorytyndy shyǵarýǵa, bolashaq mindetterimizdi aıqyndap, naqty is-sharalar josparyn jasaýǵa, «ult úshin degen uly iske» jumyla kirisýge árdaıym daıynbyz.

    Osylaısha, Táýelsiz Qazaqstannyń ekonomıkasymen birge  uly  rýhanı qundylyqtary - til, mádenıet, bilim men ǵylym da  jańa kezeńde órleý men damýdyń jańa satysyna kóteriletinine kúmán joq. 

 Bolat  Jeksenǵalıev

Halyqaralyq «Qazaq tili» qoǵamy»   qoǵamdyq birlestigi Batys Qazaqstan oblystyq fılıalynyń tóraǵasy (Oral qalasy)