El táýelsizdiginiń arqasynda atajurtqa oralǵan qandastarymyzdyń uzyn sany 1 mıllıonnan asty. Degenmen, 5 mıllıonǵa jýyq baýyrlarymyz áli de jat jurttyń topyraǵynda ómir súrýde. Bir ókinerligi – qazirge deıin qazaq eline týyn tikken «oralman» baýyrlarymyzdyń nemese shetel qazaqtarynyń quqyǵyn qorǵaıtyn bir mekeme qurylǵan joq. "Otanym- Elim" Halyqaralyq zańgerlik kompanıasy sol olqylyqtyń orynyn toltyrýdy kózdeıdi.
Jasyratyny joq, qazaq elindegi eń ózekti máselelerdiń biri – oralmandar máselesi. Turaqty tirkeýge turýdyń mashaqatyn tartatyn, vızasyn uzarta almaı shyr-pyr bolatyn, azamattyqqa qujat tapsyrýdyń myń san qıyndyǵyn kóretin solar. Tipti jeke bas múlkine baılanysty da kóptegen keleńsizdikterge dýshar bolyp jatady. Munyń barlyǵy oralman máselesimen aınalystyn arnaıy organnyń joqtyǵynan bolsa kerek. Kompanıa basshysy belgili zańger Omar Saıd«Otanym-Elim» degen attyń bekerge qoıylmaǵanyn, Otanym-Elim dep kelgen kez kelgen azamatqa qoldaý kórsetetinin aıtty.
Omar myrzanyń aıtýynsha bul qazaqtyń quqyn qorǵaıtyn halyqaralyq alǵashqy uıym. Atalmysh kompanıa saýda ekonomıkalyq jáne mádenı baılanystardy damytý jónindegi Qazaqstan jáne Qytaı úkimeti arasyndaǵy memleketaralyq kelisimder sheńberinde Qazaqstan azamattaryna, Qytaıdan oralǵan qazaq qandastarǵa quqyqtyq kómek kórsetedi. Atap óter bolsaq:
1.Tegin zańdyq keńes berý.
2.Bank jáne mıkro kredıttik uıymdardan alǵan kredıtterdiń tóleý merzimin aıyppulsyz eki jylǵa deıin keshiktirip óteýge múmkindik jaratyp berý.
3.Shetelden oralǵan qandas kásipkerlerdiń quqyqtarymen múddelerin qorǵaý.
4.Qazaqstan Respýblıkasynda memlekettik organdarymen sottarynda zańdy ókildik qorǵaýshy qyzymet kórsetý.
5.Qazaqstandyq jáne sheteldik kásipkerler arasynda iskerlik, áriptestik qatynastar ornatý jáne damytýǵa járdemdesý.
6.Jer telimderin, jyljymaıtyn múlikterdi tirkeý jáne qaıta tirkeýden ótkizý jumystary.
7.Qurylys obektilerin zańdastyrý.
8.Jerdi turǵyn úı qorynan shyǵaryp kásipkerlik orynǵa aınaldyrý.
9.Mıgrasıalyq qyzymetter, shetelden oralǵan qandastarymyzǵa azamattyq alyp berý, yqtıarhat alýǵa jardemdesý..
10.Sheteldik azamattardy tirkeý.
11.Sheteldik azamattardy vızalyq qoldaý.
12.Jeke kásipkerlikti bastaýǵa qujattyq zańdyq kómekter kórsetý.
13.AHAJ bóliminde qujat rásimdeý.
14.Lısenzıalyq barlyq qyzymet túrlerine lısenzıa alyp berý.
15.Qytaı Halyq Respýblıkasynan júkterdi, taýarlardy Qazaqstan aýmaǵyna, TMD elderi arasynda tasý, jetkizý jumystarymen ony baqylaý.
16.Saqtandyrýdyń barlyq túrleri.
17.Salyqtyq kómek kórsetý jáne baqylaý
18.Zańdy tulǵalardy tirkeý jáne qaıta tirkeý.
Qarap otyrsańyz, bar qazaqqa kerek qyzmetter. Qolynda óneri, jetkilikti qarajaty bolsa da, kásipkerlikpen aınalysýdyń jolyn taba almaı júrgen qandastarymyzǵa aıtarlyqtaı baǵyt-baǵdar bolatyny sózsiz. Biz tek «Otanym-Elim» degen atty arqalaǵan zańgerler tobynyń el erteńi úshin jasap jatqan jumystarynyń shynaıy bolýyna tilektespiz. «Birińdi qazaq biriń dos, kórmeseń istiń bári bos» degen Abaı sózi ár qazaqtyń jadynda bolsa eken.
Haziret Ábdilda
