Tirshiligi qym-qýyt myna zamanda adamdardyń júıkesi tez sharshaıtyn boldy. Sonyń saldarynan qyzmet ónimdiligine de nuqsan kelip jatady. Ádette, bas salyp dári men ýkolǵa júginetin batys emshiliginen góri bul kúnde tabıǵı emdi negiz etetin Shyǵys shıpagerligi suranysqa ıe bolýda. Aıtalyq, táýelsizdiktiń 20 jylynda Atajurtyna oralyp, Qytaıdyń qyry men syry mol dástúrli medısınasyn qazaqqa jumys jasatyp jatqandar qatary molshylyq. Endi mine taǵy bir saýyqtyrý ortalyǵy qatarǵa qosyldy. 

Almaty qalasy «Aqsaı – 3», 88 úı,  91 paterde  massaj ortalyǵy ashyldy.  15 jyldan astam ýaqyt Qytaı elinde  massaj óneriniń qyr-syryn meńgergen qandasymyz Gúlden Dolıqyzy jetekshilik etetin emdeý-saýyqtyrý ortalyǵy negizinen massajǵa súıenedi.  Ortalyqtyń ashylýy týrasynda bas maman Gúlden Dolıqyzy: «Biz elge atbasyn burýdy erte oılaǵanbyz, biraq, elge ne alyp kelemiz degen oı turdy kókeıimizde,  oılana kele, jat jurttyń ozyq óneriniń bireýin úırenip kelip, óz qandastarymyzdyń ıgiligine jumsaýdy oıladyq, mine armanymyz oryndaldy, oılaǵan isimizdi júzege asyrdyq, massajdyń barlyq túrimen emdeımiz, baǵasy da qoljetimdi» deıdi.

Iá, myń estigennen bir kórgen artyq dep atalǵan massaj ortalyǵyna baryp qaıttyq. Bul ortalyqtyń basqa emdeý oryndarynan ereksheligi – munda az ýaqyttyq kýrstan ótip, dáriger halatyn kıgender emes, negizinen uzaq jyldyq tájirıbeli mamandar jumys jasaıdy ári baǵasy da arzan. Alystan kelgen aǵaıynnyń Atajaurtqa beretini budan da kóp bolsyn dep tileımiz.

Q.Jumahan