Alashtyń mańdaıyna bitken jaryq juldyzy Mustafa Óztúrik tiri bolǵanda erteń 58 jasqa keler edi. Qyryqtyń qyrqasyna ilingen shaǵynda dúnıeden ótken marqumnyń artynda óshpes izi qaldy.

 Atajurtyna jýsannyń ısin ańsap jetken bozdaqtar qanshama?! Sonyń biri jáne biregeıi – Mustafa Óztúrik. Átteń! Ǵumyry qysqa boldy. Alashtyń arda týǵan ulyn Batyrashtardyń baltasy jer qushtyrdy. Mustafanyń ata-babalary ótken ǵasyrdyń 50 jyldary tar jol, taıǵaq keshýdi bastan ótkizip, Qytaı, Pákistan, Úndistan baǵytymen Túrik respýblıksyna at basyn tirep edi. Bir Allaǵa aıan, degenmen eli úshin týǵan erdiń eń úlken baqyty – Qazaq eliniń táýelsizdigine kýá bolǵandyǵy shyǵar. 

Mustafa Stambuldaǵy orta mektepti bitirip, Taıvandaǵy eksperımentaldy ýnıversıtetti jáne sol eldegi Halyqaralyq qatynastar ýnıversıtetiniń jýrnalısıka fakúltetin qosa bitirgen. Ol osy elde júrip, ýnıversıtet dıplomymen birge taekvondodan 6-shy Dan sertıfıkatyn alady. Bul taekvondodan barsha musylman álemindegi alǵashqy joǵary dáreje edi.  Keıin Germanıanyń Keln, Múnhen jáne Túrkıanyń Stambul qalalarynda óziniń taekvondo mektebin ashyp, jastardy sportqa baýlydy. Qazaqstan táýelsizdik ala salysymen Almatyǵa oralǵan ol taekvondoǵa tárbıeleý ortalyǵyn jasaqtap, Qazaq eli tarıhynda alǵash ret taekvondısterdi halyqaralyq jarystarǵa aparyp, jeńispen oralady.

 Mustafa 1995 jyly belgisiz jaǵdaıda qazaǵa ushyrap, denesi Stambul qalasynda jerlendi. 2000 jyly Almaty qalasynda Mustafanyń atyna kóshe berilip, eskertkish belgi qoıyldy. 2004 jyly marqumnyń 50 jasqa tolǵan mereıtoıy qarsańynda Almaty oblysy Talǵar aýdany Besaǵash aýylynda eskertkishi ashyldy.

Mustafa Óztúrik Taekvon-Do sportynan alty dúrkin álem chempıony, halyqaralyq jattyqtyrýshy. Alty til meńgergen.