Muhtar Maǵaýınnyń «Jarmaq» romany jarıalanǵaly da biraz ýaqyt ótti. Árkim ártúrli pikirin aıtty. Klasıktiń dástúrli jazý úlgisine úırenip qalǵan jurttyń tosyrqaıtyn da jóni bar shyǵar. Biraq buǵan deıingi pikirlerdiń ishinde «Jarmaq» ómirge kelgen keńistik kategorıasyna «qudyqtyń túbindegi baqanyń kózimen» qaraý basym boldy. Eń kóp aıtylǵan ýájdiń deni - «Jarmaqtyń» kórkemdik óresi tómen, qarabaıyr jazylǵan, pýblısıkadan asa almaǵan» degen syńaıda boldy.

Orhan Pamýktiń «Meniń atym Qyzylyn», Mo Iannyń «Sharap elin», Zúlfú Lıvanelıdiń «Stambýl baqyty» romandaryn bir sholyp shyqqan adam Muhtar Maǵaýınniń de stıl alýan túrli, neni izdeseń sol bar, proza janrynyń «berekeli dastarhanyn» oqyramnyna jaıǵan sheberligine, jańashyldyǵyna kóz jumbas edi.
Bir deneden ekige jarylǵan Murat pen Marattyń tragedıasy arqyly qazaq halqynyń qazirgi jaǵdaıyn, ókinishi men óksigin álemge kórsete alatyn «Jarmaqty» paraqtap otyrǵanyńyzda Antalá týraly shyryn qıalyńyzdyń shyrqyn buzatyn Zúlfú Lıvanelıdiń «Stambýl baqyty» eske oralady.

Yrysbek DÁBEI