Memlekettik tóńkeris: Zımbabvede áskerıler bılikti basyp aldy (foto, vıdeo)

/uploads/thumbnail/20171115190135168_small.jpg

Zımbabvede áskerılerdiń tóńkeris jasap, bılikti basyp alǵany jóninde Qamshy.kz aqparat agenttigi Azattyqqa silteme berip jazady. Áskerı jetekshilik prezıdent Mýgabeni «qaýipsiz jerge kóshirip», onyń tóńiregin «qylmyskerlerden tazartyp jatqanyn» málimdedi.

reuters

Zımbabve áskeri qarashanyń 15-inde 93 jastaǵy prezıdent Robert Mýgabeniń «tóńiregindegi qylmyskerlerdi nysanaǵa alǵanyn», al Mýgabeniń ózi men otbasy «qaýipsiz ári senimde jerde ekenin» málimdedi.

Ońtústik Afrıka respýblıkasynyń prezıdenti Djeıkob Zýma zımbabvelik áriptesimen telefon arqyly sóıleskenin málimdedi. Zýbanyń sózinshe, Robert Mýgabe «erki shekteýli kúıi úıinde otyrǵanyn, biraq hali jaqsy ekenin» aıtqan.

Sál erterek ásker men áskerı tehnıkalar el astanasy Harareniń ortalyǵyndaǵy úkimet keńseleri, parlament pen sotqa aparatyn negizgi joldardy japqan. Hararedegi Mýgabe rezıdensıasynyń aınalasynda atys pen jarylys úni estilgen. Ásker eldiń memlekettik telearnasy ZBC-diń keńsesin basyp aldy.

BUL TÓŃKERİS PE?

«Biz Mýgabeniń aınalasyndaǵy eldiń áleýmettik jáne ekonomıkalyq qıyndyqqa ushyraýyna sebep bolǵan qylmys jasaǵandardy jaýapqa tartýdy kózdep otyrmyz. Óz mısıamyzdy aıaqtaǵan soń jaǵdaı qalypqa túsedi dep oılaımyz» dedi Zımbabve qorǵanys kúshteriniń resmı ókili general-maıor Moıo telearna arqyly.

reuters

Mýgabeniń ózi de, onyń saıası belsendilik tanytyp júrgen zaıyby Greıs te telearnadan kórinbedi.

Úkimettegi derek kózi Reuters aqparat agenttigine qarjy mınıstri Ignatıýs Chombonyń da qamaýǵa alynǵanyn habarlady. Chombo bıleýshi Zanu-PF partıasynyń Greıs basqaratyn fraksıasynyń múshesi edi.

Bul áskerı aksıany kim basqaryp otyrǵany belgisiz. Zımbabve áskeriniń qolbasshysy Konstantıno Chıvenga áskerdiń Zanu-PF partıasynyń ishindegi «jappaı qýdalaýdy toqtatpaq bolǵanyn» aıtty.

Zımbabve opozısıasynyń jetekshisi Morgan Svangıraıdyń keńesshisi bolǵan Aleks Magaısa BBC-ge bergen suhbatynda áskerdiń bul áreketin «tóńkeris emes» dep sıpattaýyna senbeıtinin aıtty.

«Olar buny «tóńkeris» dep atamaıyq dep sheshken. Óıtkeni tóńkeristi aqtap alý qıyn ekenin, aıyptaýǵa ushyraıtynyn biledi. Bılikke qatysty aıtsaq, prezıdent Robert Mýgabe - shartty túrde ǵana prezıdent, al quzyret áskerge tıgen sıaqty» dedi Magaısa.

REAKSIA

Zımbabveniń opozısıalyq «Demokratıalyq ózgerister qozǵalysy» elde konstıtýsıalyq demokratıaǵa beıbit túrde oralýǵa shaqyryp, áskerılerdiń bılikke yqpal etýi «turaqty, demokratıalyq memleket ornatýǵa sep bolady» degen úmiti baryn málimdedi.

reuters

Zımbabveni azat etý soǵysy ardagerleriniń basshysy Ońtústik Afrıka respýblıkasyn, ońtústik Afrıka aımaǵy elderi men Batys elderin sońǵy 20 jylda ekonomıkalyq daǵdarysqa ushyraǵan Zımbabvege qoldaý kórsetýge shaqyrdy.

AQSH pen Ulybrıtanıa Hararedegi elshilikteriniń jumys ýaqyty qysqaratynyn eskertip, azamattaryn «qaýipsiz mekende qala turýǵa» shaqyrdy. Zımbabveniń eń iri saýda áriptesi Qytaı ahýaldy jiti baqylap otyrǵanyn málimdedi.

Ótken aptada Robert Mýgabe Zımbabve vıse-prezıdenti Emmerson Mnangagvany «memlekettik tóńkeris jasamaq boldy» dep aıyptap, otstavkaǵa jibergen. Mnangagva Mýgabeniń «yqtımal murageri» sanalǵan ári armıanyń qoldaýyna ıe bolǵan. Zımbabve qarýly kúshteriniń basshysy eldegi saıası daǵdarysty toqtatýǵa «aralasýǵa» daıyn ekenin málimdegen.

Robert Mýgabe Zımbabve Ulybrıtanıadan táýelsizdik alǵan 1980 jyldan beri 37 jyl boıy bılikte otyr. Áskerıler vıse-prezıdenttiń otstavkaǵa ketýi bılikti Mýgabeniń áıeli Greıske ótýge jol ashýy múmkin dep qaýiptenip kelgen. Mýgabe álem boıynsha «eń jasy úlken» prezıdent bolatyn. Ol eń uzaq bılik quryp otyrǵan saıası jetekshiler tiziminde úshinshi orynda turǵan. Bul tizimdi Kamerýn prezıdenti Pol Bıııa (de-fakto bılik merzimi - 41 jyl) bastap tur. Ekinshi oryndaǵy Ekvatorlyq Gvıneıa prezıdenti Teodoro Obıang Ngema Mbasogo da 37 jyldan astam ýaqyt bılikte otyr. Odan keıingi eń uzaq bıleýshiler - Irannyń jetekshisi aıatolla Álı Hameneı men Qazaqstan prezıdenti Nursultan Nazarbaev.

Marksshil Mýgabeniń tusynda Zımbabveniń ekonomıkasy quldyrap, ulttyq valútasy qatty qunsyzdanyp, halyqtyń áleýmettik ál-aýqaty nasharlaı túsken. Azamattyq belsendiler men opozısıa jetekshileri qysymǵa ushyrap kelgen.

reuters

Pikir qaldyrý

Qatysty Maqalalar