Osydan biraz ýaqyt buryn «Asyl arna» telearnasynda «Tálim Trend» atty jańa baǵdarlama óz jumysyn bastady, — dep jazady Qamshy.kz aqparat agenttigi. Atalǵan baǵdarlamada otbasylyq qundylyqtar, qoǵamda jıi oryn alatyn turmystyq qatelikter men ózekti máseleler týraly talqylanady. Baǵdarlamanyń alǵashqy bóliminde otbasydaǵy janjaldyń qalaı aldyn alý kerek ekendigi týraly sóz qozǵalsa, ekinshi bólimi qoǵamdaǵy ózekti máselelerdiń eń mańyzdysy bala tárbıesine tikeleı baılanysty. 

«Balańdy tárbıelep áýre bolma, ol báribir ózińe uqsaıdy. Bul sózde úlken mán-maǵyna bar. Biz balamyzdyń bir sátte aqyldy, shynshyl, tilalǵysh bolǵanyn qalaımyz. Biraq bala robot emes. Qulaǵyn burasa qalaǵan ýaqytta, qalaǵan jaǵdaıǵa ózgeretin. Ol - adam. Ol - tulǵa. Ol - jas shybyq. Onyń jaıqalyp ósip, aınalasyna saıasyn jaıatyn janashyr bolyp qalyptasý nemese kóleńkesi ózge túgil ózin jaryta almas shybyqtaı solyp, qý aǵashqa aınalýy da bizge, birinshi kezekte, ata-anaǵa baılanysty», — deıdi Muhamedjan Tazabek.