Búgin Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń (ÁESI) almatylyq keńsesinde otandyq sarapshylar, qoǵam qaıretkerleri men zıalyq qaýym ókilderiniń qatysýymen «Qazaq tilin latynshaǵa kóshirý: túıtkildi máseleler men olardy sheshý joldary» atty dóńgelek ústel ótti dep habarlaıdy Qamshy.kz aqparat agenttigi.

Dóńgelek ústelge qatysýshylar latyn álipbıiniń bekitilgen nusqasyn engizýdegi tájirıbelik aspektilerdi, onyń keleshektegi jetildirilýi, memlekettik organdar qyzmeti men qazaqstandyqtardyń ómirinde belsendi paıdalanýyn talqylap, sonymen qatar, qazaq tiliniń latyn álipbıine tıimdi kóshirilýine ne áser ete alady jáne bul úrdistegi keri áserlerdi qalaı azaıtýǵa bolady degen saýaldarǵa jaýap izdedi.

- Bul máselege qatysty qoǵamda bolyp jatqan ótkir pikirtalas latyn álipbıine kóshý kóptiń kókeıinde júrgenin aıǵaqtaıdy. Qazaq álipbıin latynshaǵa kóshirýdegi basty argýment, ol latyn álipbıiniń – HHİ ǵasyrdaǵy hat, ǵylym men tehnıka, Ǵalamtor jáne İT-tehnologıalar tiliniń eń keń taraǵan grafıkalyq júıesi bolyp tabylatyndyǵy. Sondaı-aq, ol qazaq tiliniń saqtalyp qalýyn qamtamasyz etip, ózge tilden engen sózderdiń beıimdelý mehanızmin júzege asyrady, - dedi ÁESI-diń jetekshi sarapshysy Aıman Júsipova.

Sarapshynyń sózinshe, latyn álipbıine kóshý nátıjesinde jas býynnyń kırılshe jazylǵan mádenı muradan qol úzip qalýy qaýip týdyrady, sonymen qatar, halyqtyń túrli jazý úligisin ustanatyn eki topqa bólinip ketý jaǵdaıy týyndaýy múmkin.

Pikirtalas barysynda sarapshylar latyn álipbıine kóshý qazaqstandyq qoǵamnyń damýyna, halyq sanasynyń jańǵyrýyna, memlekettiń aldaǵy ýaqytta álemdik qaýymdastyqqa saıası, ekonomıkalyq jáne mádenı ıntegrasıasyna qanshalyqty yqpal etetinin talqylady.

Dóńgelek ústel jumysyna Ahmet Baıtursynuly atyndaǵy til bilimi ınstıtýtynyń dırektory Erden Qajybek, «Qazaq úni» gazetiniń Prezıdenti Qazybek Isa, saıasattanýshy Dáýren Babamuratov jáne t.b. qatysty.