Partıa tóraǵasy Azat Perýashevpen Tarazda "aqjoldyqtardyń" oblystyq konferensıasyn ótkizip, Asan Qoshmanbetovteı isker jigitti basshy etip saılap, partıaǵa jańa múshelerdi qabyldaý rásimi bastalyp jatqan sát edi. 
-Baýyrym, osy siz jýrnalıs emessiz be?- dedi bireýi ıyǵymnan túrtip,- Anaý turǵan kisi-akademık Sábıt Baýbekov! Kezinde Pýtınniń ózimen beldesip, jaýyrynyn jer ıisketken!
Bul sózge asa eleńdeı qoıǵan joqpyn.Umytpasam Pýtınmen kúresken taǵy bir qazaq jaıly oqyǵanmyn. Qazaq degen týmysynan palýan halyq qoı. Sondyqtan boz kilemde talaı qandastyń bolashaq Reseı prezıdentimen joldarynyń túıiskeni anyq. Báribir jýrnalısik qyzyǵýshylyǵym jibermedi. Sábıt aǵany áńgimege tarttyq. Aǵamyz alǵashynda ózimizdi tosyltyp tastaǵany. 
-"Qartaıǵanda batyr bolǵanyńdy aıtpa,
Kedeılenseń baı bolǵanyńdy aıtpa!" degen. Osyny aıtpaı-aq qoısam dep edim,-degeni.
Oǵan biz qoıamyz ba! Aıtqyzdyq. )) 
...1972 jyly stýdent Sábıt Baýbekov Máskeýde "Býrevestnık" sport qoǵamynyń bir aılyq jattyǵý jıyndarynda bolady. Oǵan basqa qalalardan da samboshylar jınalady. Pýtın men Baýbekovtyń salmaǵy birdeı bolǵandyqtan ekeýi bir aı boıy sparrıng áriptes bolyp kúresip júredi. Volodá ol kezde sport sheberi. Tehnıkasy da Sábıtten joǵary. Jattyǵý jıyndary aıaqtalǵan soń ótken "Býrevestnık" qoǵamynyń birinshiliginde Pýtın men Baýbekov fınalda kezdesedi. Qarsylasynyń syryn bes saýsaqtaı bilip alǵan Pýtın birden shabýylǵa kóship, kezdesý aıaqtalǵanǵa 10 sekýnd qalǵanǵa deıin 4-1 esebimen utyp turady. Ataqty bapker Marat Jahıtovtyń úıretken qupıa ádisin sońǵy sátte qarsy qoldanǵan Baýbekov Pýtındi taza jeńip, qarsylasyn da, jankúıerlerdi de tań-tamasha qaldyrǵan eken. Jarys bitken soń Volodá Sábıtke úı telefonyn berip, habarlasyp turýyn suraıdy. 
Arada birneshe jyl ótken soń Sábıt aǵa Máskeýde aspırantýrada oqyp júrip, bir qıanatqa ushyraıdy. Oqýyn, ǵylymdy tastap, elge qaıtý qaýpi tónedi. Oıǵa Pýtın oralady. Dereý oǵan telefon soǵady. Burynǵy kilemdegi qarsylasyn sol kezde qaýypsizdik komıtetinde isteıtin Pýtın jaqsy qarsy alyp, búkil máselelerin sheship beredi. Baýbekov Máskeýde qalady. Keıin úlken ǵalym atanady. Volodá Pýtınmen túsken sýreti úıde saqtaýly. Reseı Prezıdentine ótkendi aıtyp hat jazý oıynda joq. Bizdiń ózimizge yńǵaısyzdanyp ázer aıtty. Aman bolyńyz,Aǵa!

Arman Sqabylulynyń fb paraqshasynan