Almatyda kóshelerge Sh.Aıtmatov, G.Belger, T.Bıgeldınov, E.Serkebaev, Q.Kenjetaev, S.Kalmykov, Q.Myrzalıev syndy tulǵalardyń esimderi beriledi.
Almaty ákimdiginiń habarlaýynsha, megapolıste 42 kóshege elimizdiń damýyna úles qosqan qaıratkerler esimi beriledi, qalǵandary geografıalyq ataýǵa, qazaqstannyń tarıhy men mádenıetine, dástúrine oraı atalatyn bolady.
«Sh.Aıtmatov, G.Belger, T.Bıgeldınov, E.Serkebaev, Q.Kenjetaev, S.Kalmykov, Q.Myrzalıev, Almaty aportynyń «ákesi» atanǵan E.Redko jáne basqalardyń esimderin alǵan kósheler paıda bolady», delingen ákimdik habarlamasynda.
Eske salsaq, Almatyda buryndary birin-biri qaıtalaıtyn 100 kóshe ataýy ózgergen bolatyn. Qalaǵa qosylǵan eldi mekenderdi eseptegende megapolıste Abaı atynda - 12. M. Áýezov atynda -3, J. Jabaev atynda -13, Qurmanǵazy atynda - 6, Tóle bı atynda - 5, Qazybek bı atynda - 3, Áıteke bı atynda - 3, Raıymbek batyr atynda - 8, Naýryzbaı batyr atynda - 4, Qarasaı batyr atynda - 8, Baıtursynov atynda - 4, S. Seıfýllın atynda - 5, Á. Moldaǵulova atynda - 6, M. Mámetova atynda 6 kóshe atalǵan eken.
Qalalyq ákimdiktiń habarlaýynsha memlekettik organdar bazada kóshe ataýy ózgergen soń qajetti anyqtamalardy elektrondy úkimet portalynyn nemese HQKO-dan birneshe mınýt ishinde ala alady.
Endigi jerde Kenesary han men Alash arystary bastaǵan Jumeken Nájimedenov, Aqseleý Seıdimbek, Ázilhan Nurshaıyqov, Gerold Belger, Qudaıbergen Sultanbaev, Tumanbaı Moldaǵalıev, Qadyr Myrzalıev, Ámına Ómirzaqova, Ermek Serkebaev, Hadısha Bókeeva, Maqash Tátimov, t.b. ult zıalylarynyń esimderi Almaty kóshelerin rýhtandyryp turatyn boldy.
Qazaqstan Respýblıkasy Úkimetiniń 2014 jylǵy 24 aqpandaǵy «Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsıasyn naqtylaý men ózgertý kezinde tıisti aýmaq halqynyń pikirin eskerýdiń» № 138 qaýlysymen bekitilgen Qaǵıdalaryna sáıkes, halyqtyń pikirin eskerý úshin Tilderdi damytý basqarmasy Almaty qalasyndaǵy ataýy joq kóshelerge ataý berý boıynsha qajetti materıaldardy Almaty qalasy máslıhatynyń qaraýyna engizdi.
Almaty qalasy Tilderdi damytý basqarmasy (M.Q.Ahetov) Qazaqstan Respýblıkasy Úkimetiniń 2014 jylǵy 24 aqpandaǵy «Ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıpsıasyn naqtylaý men ózgertý kezinde tıisti aýmaq halqynyń pikirin eskerýdiń» № 138 qaýlysymen bekitilgen Qaǵıdalaryna sáıkes, jeti jumys kúnniń ishinde Almaty qalasy máslıhatynyń áleýmettik-mádenı damý boıynsha turaqty komısıasynyń hattamasyn Almaty qalasy ákimdiginiń ınternet-resýrsynda ornalastyrýdy jáne buqaralyq aqparat quraldarynda jarıalaýdy qamtamasyz etsin, sondaı-aq tıisti onomastıka komısıalarynyń qaraýyna engizildi.
