Almatyda 5-8 synyp oqýshylary arasynda «Sporttyq Almaty» baǵdarlamasy aıasynda sporttyń tórt túrinen fınaldyq jarys ótti.
№ 131 mektep-lıseıinde qalanyń ár aýdanynan kelgen 250 jýyq úzdik oqýshylar asyq atý, shaǵyn fýtbol, arqan tartý, basketboldan ózara myqtyny anyqtady.
Sonymen qatar, kelgen qonaqtar men qatysýshylar úshin konsert qoıyldy. Oqýshylarmen qatar, «Skillerz crew» frıstaıl toby men hımıalyq kreo-shoý ujymdary óner kórsetti.
«Búgin bizdiń mektepte qalanyń eń úzdik komandalary jınaldy. Bul sporttyq sharanyń bizdiń bilim ordamyzda ótip jatqanyna óte qýanyshtymyn», - dedi №131 mektep-lıseıiniń dırektory Roza Dostanova bólisti.
Jalpykomandalyq esep boıynsha Medeý aýdanynyń oqýshylary birinshi oryndy ıelense, ekinshi orynǵa Bostandyq aýdanynyń komandasy jaıǵasty. Al úzdik úshtikti Túrksib aýdanynyń jetkinshekteri túıindedi. Jeńimpazdar men júldegerler medal, dıplom jáne kýboktarǵa ıe boldy.
«Barlyq kezeńderden óttim. Asyq atý bizdiń ulttyq oıynymyz bolǵandyqtan tańdaýym osy sport túrine tústi. Biz dostarymyzben aýlada jıi oınap turamyz, mende 250-ge jýyq asyq bar», - dedi №156 mektep oqýshysy Tilegen Nurmuhamet.
Aıta keter jaıt, bul oqýshylar arasyndaǵy sporttyq jarystar aqpan aıynda bastalyp, balalar jáne jasóspirimderdiń sportqa degen qyzyýshylyǵyn arttyryp, salaýatty ómir saltyn ustanýǵa beıimdeý maqsatynda ótkizildi.
Almaty ákimdigi sport basqarmasymen birlese otyryp jyldyń basynan Almatyda 2,5 myń sporttyq shara ótkizilip, 400 myń adam qamtylǵan. Atap ótsek, osy jyldy biz álemniń 57 elinen 2,5 myńnan astam delegattyń qatysýymen 28-shi qysqy Ýnıversıada oıyndarymen bastadyq. El tarıhyndaǵy eń aýqymdy sporttyq doda bolǵan Ýnıversıadanyń ótýine jalpy jurtshylyq, sportshylar men haryqaralyq sarapshylar oń baǵasyn berdi. Sonymen qatar, «Almaty týry», «Álem Barysy», Shymbulaqta ótken «Taý jáne sport festıvali», «Uly dala oıyndary», fýtzaldan Eýropa chempıonatyna irikteý jáne ÝEFA kýbogynyń tórttik fınaly jáne t.b. ótkizildi. Ortalyq Azıada eń aýqymdy buqaralyq sporttyq sharalardyń biri de biregeıi 20 myń adamnyń qatysýymen ótken «Almaty marafony» bolyp tabylady.
Ótken jyly buqaralyq sportty damytý jáne nasıhattaý maqsatynda «Sporttyq Almaty» jobasy iske qosylǵan. Osy jyldyń basynan atalmysh baǵdarlama aıasynda buqaralyq jáne sporttyq myń shara uıymdastyrylyp, jalpy, olarǵa júz otyz bes myń qala turǵyny qatysqan. Jyldan jylǵa sportpen shuǵyldanýshylar sany ósip keledi. Osy jyly iske qosylǵan «Sport meniń aýlamda» jobasy aıasynda qazirgi tańda, 600 aýladan 75-i tańdap alynyp, jumys isteýde jáne 6 aýdan boıynsha 6000 bala sportpen aınalysady. Sonymen qatar, Almaty quramasynyń respýblıkalyq keshendi sharalarda kórsetken nátıjelerin atap ótkim keledi: osy jyly Almaty komandasy IV Jastar oıyndarynda birinshi oryndy ıelense, sondaı-aq, 2016 jyly mektep jáne kolej oqýshylary arasynda ótken Spartakıadada jalpykomandalyq esepte jeńis tuǵyrynan kórindi.
