Almatyda jastarǵa arnalǵan «Almaty Jastary» atty jańa turǵyn úı baǵdarlamasy barysynda 35 jasqa deıingi almatylyqtar jeke páterge ıe bolý úshin jeńildetilgen zaemge qol jetkize alady. Ákimdikte «Turǵynúıjınaqqurylysbanki» AQ men qalanyń Turǵynúı jáne turǵyn úı ınspeksıasy basqarmasy yntymaqtastyq týraly tıisti kelisimge qol qoıdy.

«Almaty Jastary» baǵdarlamasynyń basty ereksheligi paıyzdyq tólemniń tómendiginde - kólemi 10 mln. teńgege deıingi zaemǵa jylyna 5% jeńildik beriledi. Baǵdarlama boıynsha nesıeni qaıtarý merzimi tólem qabiletine qaraı jeke jasalady,3 jyldan 25 jylǵa deıin.

Shara barysynda Almaty ákimi Baýyrjan Baıbek Memleket basshysynyń tapsyrmasy boıynsha bılǵy jyl Almatyda «Jastar jyly» dep jarıalanǵanyn, sonyń aıasynda jastardyń megapolıstegi ómirge beıimdelýine, jan-jaqty damýyna, tulǵa bolyp qalyptasýyna oń yqpal etetin tıisti Jol kartasynyń júzege asyp jatqandyǵyn atap ótti.

«Búgingi kúni qalada 35 jasqa deıingi jastar sany 800 myń adam. Jastar úshin barynsha mańyzdy jáne aktýaldi másele - jeke turǵyn úıge qol jetkizý.«Almaty Jastary» atty jeńildetilgen turǵyn úı baǵdarlamasyn engizý úshin qazirdiń ózinde jergilikti búdjetten 1 mlrd. teńge bólindi. Onyń ústine, «Almaty Jastary» baǵdarlamasy jastardy yntalandyrýmen qatar qalalyqtar aqshasynyń qalada qalýyna da yqpal etedi.Jeńildetilgen zaemdi tek Almaty qalasynda ǵana alǵashqy úıdi satyp alýǵa jumsaýǵa bolady.Iaǵnı, osy qarjy esebinen qurylysshylar men jumysshylarǵa jalaqy tólenedi, kásiporyndarǵa tapsyrys beriledi, qurylys kompanıalary qala búdjetine salyq tóleıdi», -dep atap ótti B.Baıbek.

Aıta keterligi, baǵdarlama aıasynda jumys isteıtin jastar yntalandyrylady.Qala uıymdarynda jumys isteıtin jastardyń ár jylynyń ótiline 1 bal esepteledi, al eger jas adam áleýmettik salalada, mysaly mektepte nemese bala baqshada eńbek este onyń eńbek ótiliniń baly eki eselenedi. Áleýmettik múmkindigi tómen jandar úshin de jeńildetilgen jaǵdaı jasalǵan, olardyń qataryna kóp balaly otbasylar, 1 jáne 2 top múgedekteri, tolyq emes otbasylar, jetimder jáne basqalary kiredi

Qala bıligi «Almaty» ÁKK UK» AQ arqyly stýdentter úshin jataqhana qurylysyn salýdy qolǵa almaqshy. Qazirgi kezde osy jobaǵa qatysýǵa «Almaty Menedjment Ýnıversıteti» men S. Asfendıarov atyndaǵy Qazaq Ulttyq medısına ýnıversıteti nıet bildirýde. Almaty jastaryna qoldaý kórsetýdiń Jol kartasy aıasynda 2020 jylǵa deıin 12 jataqhana salý josparlanǵan. Bıylǵy jyldyń aıaǵyna deıin tórt jataqhana qurylysy aıaqtalady.

«Biz turǵynúı-qurylys jınaǵy júıesinde alǵash ret ákimdikpen salymshylardy qoldaýǵa baǵyttalǵan kelisimge qol qoıyp otyrmyz. Eger buǵan deıin barlyǵy turǵyn úı qurylysyn qoldaýǵa tyryssa, endi baǵytymyz birinshi rnet ózgerdi. Búgin biz Almaty ákimdigimen birge arnaıy jastardyń turǵyn úı-qurylys jınaǵyna degen senimin arttyrý kózdep otyrmyz. Almaty boıynsha bizdiń qorjynymyz qomaqty. Búgingi kúni bizdiń fılıalda 147 myń adamnyń depozıti bar, onyń 50 myńy, biz eseptep kórdik, 20-30 jas aralyǵyndaǵy jas adamdar. Ári olardyń 13 myńy bıylǵy jyly kelgender», - dep atap ótti «Turǵynúıqurylysjınaqbankiniń» basqarma tóraıymy Lázzat Ibragımova.

Baǵdarlamaǵa qatysý úshin 10 kún ishinde ótinish berý qajet. Ony arnaıy almaty-zhastary.kz. saıty arqyly jasaýǵa bolady.Avtorızasıa úshin jaqyn mańdaǵy HQKO-nan elektrondy sıfrly qoltańba alý kerek. Ótinish qabyldaý merzimi aıaqtalǵan soń qatysýshylardy irikteý bastalady.Jeńildetilgen nesıe alýdyń kandıdattar pýlyna jas almatylyqtarǵa qoldaý bildiretin «Almaty Jastary» baǵdarlamasynyń barlyq krııterıleri boıynsha arnaıy baldyq júıe arqyly iriktelgender enedi. Balǵa nekede turǵan jyly, balalar sany, jumys ótili men eńbek etetin jeri, jeke kásipkerligi, Almatyda tirkelgen merzimi jáne basqalary yqpal etedi. Pýl tolyq jasalǵannan keıin ǵana «Turǵynqurylysjınaqbanki» óz jumysyna kirisedi. Ol kandıdattyń tólem qabiletin tekserdi, sonan soń 5 % paıyzdyq jeńildetilgen zaemdi beredi. Jastarǵa beriletin nesıeniń jalpy kólemi - 10 mln. teńge. Zaem tek jańa úı satyp alýǵa beriledi, páterdi baǵdarlamaǵa qatysýshy ózi tańdaıdy.

«Almaty Jastary» baǵdarlamasy týraly tolyq málimetti Almaty qalasynyń Turǵyn úı jáne turǵyn úı ınspeksıasy basqarmasynyń www.uzh-almaty.kz saıtynan jáne «Qazaqstannyń Turǵynúıjınaqurylysbanki»AQ-nyń www.hcsbk.kz saıtynan jáne 300 ı 8-8000-801-880 , +7 (727) 380 05 23, +7 (727) 380 05 02 telfondary arqyly bilýge bolady, telefon shalý tegin.

«Almaty Jastary» baǵdarlamasyna qatyýshylarǵa qoıylatyn talaptar:

1. Ótinish berý kezide qatysýshy men onyń jubaıynyń jasy 35 jastan aspaýy tıis. Baǵdarlamaǵa jubaılardyń tek bireýi ǵana qatysa alady;

2. Erli-zaıyptylar men olardyń otbasy músheleriniń (eger olar otbasy bolsa) Almaty qalasynda 1 jyldyq turaqty tirkeýi bolýy shart. Baǵdarlamaǵa qatysýshynyń jáne onymen birge turatyn otbasy músheleriniń Qazaqstan Respýblıkasy aýmaǵynda jeke turǵyn nemese arendaly úıleri bolmaýy tıis.

3. Baǵdarlamaǵa qatysýshy Qazaqstan Respýblıkasy aýmaǵynda sońǵy 5 jyl ishinde turǵyn úı jaǵdaıyn ádeıi tómendetken faktisi joq bolǵany jón;

4. Qatysýshynyń Almaty qalasyndaǵy jumys ótili jarty jyldan az bolmaýy qajet. Bul talaptar áleýmettik jaǵdaıy tómen jandarǵa júrmeıdi, olar:

- 1 jáne 2 top múgedeekteri;

- Múgedek balalary bar jáne olardy tárbıeleýshi otbasylar;

- Ata- ana qaraýynsyz qalǵan jetimder;

- 4 jáne odan da kóp kámeleketke jetpegen balalary bar otbasylar;

- 1 jáne odan kóp balalary bar tolyq emes otbasylar;

5. Kem degende jarty jyldyq JK memlekettik tirkeýi bar óz betinshe jumys isteıtin qalalyqtar.