Turǵyndardy turaqty jumys­pen qamtý arqyly olardyń otbasynyń áleý­mettik jaǵdaıyn jaqsartý  bizdiń qoǵamnyń eń basty mindeti bolyp otyr. 2017–2021 jyldar aralyǵynda tur­ǵyndardy  jumyspen qamtýǵa baǵyttalǵan  mem­lekettik baǵ­dar­lamanyń ózi  Nátıjeli ju­myspen qamtý jáne jappaı kásip­kerlikti damytý dep ata­lady.  Demek, turǵyndar naqty jumyspen qamty­lyp, olardyń óz kásibin ashyp, sol arqyly násibin tabýyna jol kórsetý kózdelgen.

Osy baǵytta Almaty qalalyq Jumyspen qamtý ortalyǵynda  aýqymdy sharalar júzege asy­rylý­da. Ortalyq jýyrda ǵana jańa formatta  qyzmet kórsetý júıesin  engizip, enbek.kz por­talyn iske qosty. 

Kadrlardy  jumys berýshiniń surany­syna qaraı irikteý isi qolǵa alyndy.  Ortalyq óz ómirindegi osy jańalyq­tarmen jumys berýshilerdi jaqynyraq tanys­tyryp, olarmen ózara yntymaqtas­tyqty arttyrý maqsatynda «Jumyspen qamtý ortalyqtarynyń transformasıa sheńbe­rindegi ózara yntymaqtastyǵy jáne jańa formatta qyzmet usyný, nátıjeli jumyspen qamtý jáne jappaı kásip­kerlikti damytýdyń 2017–2021 jyldarǵa arnalǵan baǵdarlamasyn júzege asyrý» atty «Dóńgelek ústel» ótkizdi.

«Dóńgelek ústelge»   «Turǵynúı­jınaq­banki», «Evra­zıalyq banki» AQ, «Metro­polıten» AQ, «Sosa-Sola» BK JSHS, «Caspian  Beverage Holdung» AQ, «Raıymbek Botlers» JSHS, «Bazıs» qurylys kompanıasy jáne basqa da Almaty qalasynda ornalasqan jıyrma jetiden astam  mekemeler men kásiporyn basshy­lary qatysyp,  jańa formatta ju­mys usyný mamandar daıarlaý jáne óz suranystaryn qanaǵattan­dy­rýdyń jańa júıelerimen tanysyp, osy baǵyttaǵy óz oılaryn ortaǵa saldy.

«Dóńgelek ústel» basyndaǵy ke­leli keńesti  Jumyspen qamtý or­ta­ly­ǵynyń basshysy Meıram Súıin­dikov ashyp, júrgizdi. Sóz basynda ortalyq basshysy  qatysýshylarǵa nátıjeli jumyspen qamtý baǵdarla­masy jáne osy baǵytta qala aıasynda atqa­rylyp jatqan jumystar jó­ninde túsinik­teme berdi.  Budan soń  Jumys berý­shilerdi qoldaý bólimi­niń  basshysy Dáýren Aqataı orta­lyqtyń jańa for­mattaǵy qyzmet kórsetý jumys­tarymen tanystyrdy.

«Dóńgelek ústelge» qatysqan jumys berýshilerdi jańa format boıynsha jumys berýshilerdiń suranysyna sáıkes mamandardy irikteý qyzmeti, ýaqytsha jumys oryndaryn qurý, qyzmetker­lerdi kásibı oqytý  baǵdarlamalary, enbek.kz portalynyń qyzmeti qyzyqtyrdy. Ortalyq qyzmetker­leri jumys berý­shilerge zańnamaǵa sáıkes  eńbek portalyn paıdalana otyryp,  elektrondyq poshta jáne uıaly baılanys telefony arqyly bos jumys oryndaryna ótinim berý tártibin de túsindirip, jumys berýshi­lerdiń elektrondy júıe arqyly qalaı jumys isteý kerektigi, eńbek portalyna ózdiginen tirkelý jol­dary, bos jumys oryndary derekter bazasyna aǵymdaǵy bos jumys oryndary men  boljamdy jumys oryndaryn engizý úshin suranysqa ıe mamandyqtar men bos jumys oryndary týraly derekterdi tirkeý tóńiregindegi saýaldaryna jaýap berdi. Bos jumys oryndary týraly derek­terdi tirkeýdi mysal retinde kórsetti. Bos jumys oryndary jármeńkesinde bos jumys oryn­daryn usynyp qoıyp, jaı­baraqat otyratyn jumys berýshiler qazirgi ýaqyt talabynyń ol jaı­baraqat­tyqty kótere almaıtyn­dyǵyna kóz jetkizip, keleshekte ortalyqpen yn­ty­maqtasa otyryp,  eńbek nary­ǵyn­daǵy jáne ár kásiporyn men meke­melerge qajetti mamandyqtarǵa de­gen suranystar boıynsha birlese ju­mys isteý jónindegi mámilege keldi.

Nátıjeli jumyspen qamtý jáne jappaı kásipkerlikti damytý baǵdarlamasy aıasynda  qazirgi tańda  Almaty qalasynda kásipke baýlý eki baǵytta júzege asyrylýda.

Birinshi baǵyt – tegin kásiptik-tehnıkalyq bilim berý.

Ekinshi baǵyt  – kolejder men oqý ortalyqtary arqyly qysqa merzimdi  dýaldi oqytý.

Osy baǵdarlamalarǵa sáıkes, Almaty qalalyq Kásipkerler palatasynyń kelisimi boıynsha qalamyzdaǵy 4 kolej ben

5 oqý ortalyqtarynda 

43 mamandyq boıynsha oqytý qolǵa alynyp otyr.

Aldaǵy ýaqytta mamandyq túrlerin 83-ke jetkizý kózdelgen.

2017 jyl  Almaty qalasy boıynsha Jastar jyly dep atalýyna baılanysty tek bıylǵy oqý jylynyń ózinde 6975 mektep bitirýshi túlek eńbek naryǵyndaǵy suranysqa saı mamandyqtar boıynsha bilim alýda.

Ótken 2016 jyly  Almaty qalalyq Jumyspen qamtý ortalyǵyna 9291 adam  jumys surap kelse, onyń 7150-i turaqty jumyspen qamtylǵan.

Onyń ishinde 593 jas maman Jastar tájirıbesi baǵdarlamasy boıynsha jumysqa ornalassa, 315 adam kásiptik oqýmen  qamtylǵan.