Astana qalasynyń ákimi Áset Isekeshev elorda turǵyndaryn Táýelsizdik kúnimen quttyqtady, dep habarlaıdy Qamshy.kz aqparat agenttigi Astana ákimdiginiń  baspasóz qyzmetine silteme jasaı otyryp.

"Táýelsizdik – barsha Qazaqstan halqy erekshe qadirleıtin, ótkennen taǵylym alyp, keleshekke baıypty qadam jasaıtyn mańyzdy kún. Bul mereke halqymyzdyń san ǵasyrlyq arman-murattarymen sabaqtasyp jatqanymen de qundy.

Ata-babalarymyz ańsaǵan azattyq tańynyń atqanyna bıyl jıyrma alty jyl tolyp otyr. Shırek ǵasyrdan astam ýaqytta elimiz Elbasymyzdyń kóregen saıasatynyń arqasynda bıik belesterdi baǵyndyryp, tolaıym tabystarǵa qol jetkizdi. Táýelsiz elimiz ben elordamyzdyń ósip-órkendeýi, atqarylǵan irgeli ister – jetistikterimizdiń aıqyn aıǵaǵy.

El mereıin asqaqtatqan ilkimdi de ıgi jumystarǵa qarapaıym azamattardyń da qosqan úlesi zor. Sondyqtan Táýelsizdik kúni shyn mánisindegi jalpyhalyqtyq mereke. Táýelsizdigimiz tuǵyrly, berekemiz baıandy bolǵaı.

Denderińizge saýlyq, otbasylaryńyzǵa bereke, eńbekterińizge mol tabys tileımin!" - delingen habarlamada.