Astananyń jańa jyldyq bas shyrshasy 18 jeltoqsanda keshke jaǵylatyn boldy, dep habarlaıdy Qamshy.kz aqparat agenttigi. Bul týraly qala ákimi Áset Isekeshov óziniń Facebook-tegi paraqshasynda aıtty.

«Elimizdiń bas shyrshasyn jaǵýǵa kelińizder! 18 jeltoqsanda Astanada EKSPO kórmesi aýmaǵynda jańa shyrshany jaǵý rásimi ótedi»,- dep jazady qala ákimi. Sonymen birge, ákim merekelik shara barysynda «I'm a Singer Kazakhstan» jobasy fınalısteriniń jandy daýystaǵy ánderi shyrqalatyndyǵyn jetkizdi. «Qonaq retinde Ringo toby ónerin kórsetedi! Jappaı kónkı tebýge qatysyp, túrli oıyndar, anımatorlar, fotoalańdar jáne basqa da qyzyqtan qur qalmańyzdar. İs-sharanyń bastalý ýaqyty 19:00. Dostaryńyzdy shaqyryńyzdar, sol jerde kezdeseıik», - deıdi Isekeshov.

Aıta keteıik, buǵan deıin Áset Isekeshov jańa jylǵa daıyndyq Táýelsizdik kúninen soń bastalatyndyǵyn aıtqan bolatyn.