Meksıkalyq Verakrýs shtatynda belgisiz bireýler jýrnalıs Gýmaro Peres Agılandony óltirip ketti. Qylmyskerlerdi qolǵa túsirip úlgergen joq, dep jazady Qamshy.kz aqparat agenttigi.
Oqıǵa «Agırre Sınta» bastaýysh mektebinde oryn alǵan. Jýrnalıs uly oqyǵan mekteptegi Rojdestvolyq sharaǵa qonaq retinde shaqyrylǵan.
Belgisiz bireýler oqý ornyna kirip kelip BAQ qyzmetkerin atady, keıinnen izin sýytyp úlgeredi.
Peres jergilikti basylymdardyń birinde qylmys taqyrybynda jazatyn jýrnalıs bolǵan.
Derekterge súıensek, 2017 jyldyń ózinde Meksıkada 11 jýrnalıs óltirildi. 2000 jyldan beri 104 jýrnalıs kóz jumǵan. Arnaıy prokýratýranyń málimetinshe, quqyq buzýshylyqtyń 99,85%-y jazasyz qalǵan.
