BAQ-tyń málimetinshe, buǵattalǵan somma Ulttyq qordyń  barlyq qarjysynyń 40% quraıdy dep habarlaıdy Qamshy.kz aqparat agenttigi 4-traders.com-ǵa silteme jasap.

Nú-Iork banki (BNY Mellon) $22 mıllıard kólemindegi Qazaqstannyń Ulttyq qor aktıvterin buǵattady. Oǵan moldavıalyq kásipker Anatolıı Statıdiń shaǵymy men onyń Qazaqstan úkimetine qarsy kompanıalary  sebep bolǵan.

Qazaqstannyń Ulttyq banki  BNY Mellon-ǵa qarsy aryzdandy. Reuters agenttiginiń habarlaýynsha, brıtandyq sot atalmysh iske qatysty sheshimdi beısenbide shyǵarýy qajet.

Buǵan deıin BAQ-ta Eýropada Qazaqstanǵa tıesili, biraq shetelde tirkelgen kompanıalarǵa  sot sheshimimen shottary buǵattalǵan.

Amsterdam soty amerıkalyq banktiń golandıalyq fılıalyna berilgen Qazaqstannyń Ulttyq qorynyń qarjysyn buǵattaýǵa ruqsat berdi. Ádilet mınıstrliginiń málimetinshe, sońǵy 4 jylda Qazaqstan birneshe sheteldik sot prosesterine tartyldy. Oǵan Moldova azamaty Anatolı Statı jáne onyń balasy Gabrıel Statıdiń  aryzy sebep.