«Asyl mıras» qaıyrymdylyq qory Kókshetaý qalasyndaǵy oblystyq perınataldyq ortalyqqa, perezenthanalarǵa asa qajet, zamanaýı qural jabdyqty tegin syıǵa tartty. Qaıyrymdylyq is sharasyna Aqmola oblysy ákiminiń orynbasary N.Nurkenov,Den saýlyq basqarmasynyń bastyǵy H.Tashmetov, «Asyl Mıras» qaıyrymdylyq qorynyń dırektory M. Aıtmaǵan bet ovter qatysty.
«Asyl Mıras» qaıyrymdylyq qory belgili kásipker, mesenat, álemdik dengeıdegi mıllıarder Bolat Ótemuratovtyń basshylyǵymen qurylypty. Qor dırektory Marat Aıtmaǵanbetov qural jabdyqty syıǵa tartý kezinde sóz sóılep, tómendegi jaıǵa toqtaldy.
-Syıǵa tartylyp otyrǵan zamanaýı qurylǵylar byltyr Býrabaı kýrortty aımaǵynda «Asyl Mıras» qory jáne «Rixos Borovoe» qonaq úıi birlesip ótkzgen «Rixos Borovoe - 2014» qaıyrymdylyq velosherýinen jınalǵan qarjyǵa satyp alynǵan. Velosherý qaıyrymdylyq aksıasyna olımpıada chempıony A. Vınokýrov, «Týr de Frans 2014» velojarysynyń jeńimpazy Vınchenko Nıbalı jáne «Astana» velokomandasy men basqa sportshylardyń lottary aýksıonǵa qoıylǵan. Aýksıonda 87,286 mln. tenge qarjy túsken. Jınalǵan qarjy Aqmola oblystyq perzenthanasynyń ınjenerlik júıesin qalpyna keltirý jáne osy ortalyqqa arnap, aýyr bosanatyn analar, aýrý jáne shala týǵan nárestelerdi emdep, jetildiretin zamanaýı qurylǵynyń birneshe danasyn satyp alýǵa jalpy quny 56,9 mln. tengege jumsalypty. Qarjynyń qalǵan bóligi Qyzylorda oblysyndaǵy ortalyqtyń osyndaı maqsatyna arnalǵan. Búgin sol qurylǵyny Máýlit aıyna oraılastyryp saltanatpen tabys etpekpiz, el ıgiligine paıdalansyn degen, lebizin bildirdi.
Ortalyqtyń bas dárgeri Janat Mýsın: - Bul qurylǵynyń paıdaǵa berilýi, oblys aýmaǵynda aýyr bosanatyn analarmen, aýrý jáne shala týǵan sabılerdiń den saýlyǵyn túzeýge mol múmkindik týǵyzady – dep, qurylǵyny joǵary baǵalady.
Shara barysynda oblys ákiminiń orynbasary N. Nurkenov: - Bul qaıyrymdylyq is shara eki dúnıe sardary, aqyrzaman paıǵambary Muhammed (s.ǵ.s) týǵan aıy, máýlit merekesi qarsańynda atqarylyp jatqanymen erekshe. Islam dini izgilik, meırimdilik dini. Qaıyrymdylyq sharalarǵa qatysý, sadaqa, zeket berý saýapty is. Halyqtyń, ulttyń bolashaǵy, ony qurýshy urpaqtar úshin jasalyp jatqan, saýapty is jalǵasa bersin. Osyndaı qaıyrymdylyq jasaıtyn atymtaı jomarttar sany kóbeıip, halqynyń alǵysyna bólenetin bolsyn, degen tilek aıtty. Qaıyrymdylyq izgiliktiń naqty kórinisi. Allanyń bergenin qara basyna ǵana arnap, baılyǵyn basyp jemeı,halyqtyń ıgiligine jaratyp Alla jolyna jumsaý saýapty is jáne ár musylmannyń paryzy.
Alla taǵala Quran kárimniń «Taǵabýn» súresiniń 16 -18 aıatarynda: - «Shamalaryń kelgenshe Alladan ımenińder onyń aıtqanyna boısynyńdar, Alla jolynda mal múlikterińdi jumsańdar. Bul ózderiń úshin qaıyrly. Kimde- kim nápsi sarańdyǵynan saqtansa ol maqsatyna jetýshi. Eger Alla rızalyǵy úshin dúnıe jumsasańdar, Alla onyń esesin eselep qaıtarady. Alla beregen keńpeıil,jazalaýǵa asyqpaıdy. Ol qupıany da,áshkereni de bilýshi. Ol asa ústem hıkmet ıesi» dep, pendesine ıgi amaldar jasaýdy mindetteıdi. Mýslım jetkizgen paıǵambarymyz Muhammed (s.ǵ.s) hadısinde: - « Aqıqat baılyq- mal-múliktiń kóp bolýy emes aqıqat baılyq keńpeıildilik, qaıyrymdylyq ol adamdaǵy eń jaqsy qasıet»dep ósıet etedi.
Qaırymdylyq jasaý, sadaq berýden baılyqtyń kemimeıtini jaıly quran kárim, paıǵambar hadısterinde naqty jazylǵan. Paıǵambarymyz (s.ǵ.s) : - «Sadaqa berý eshqashan baılyqty kemitpeıdi» dese, Quran Kárimniń «Sábá» súresiniń 39 aıatynda: - «Allanyń jolynda ne jumsasańdarda Alla taǵala mindetti túrde onyń ornyn toltyrady» dep, pendesine aıqyn ýáde etken.
Quran, sharıǵatpen sýsyndaǵan qazaq : - Saýapty istiń saýaby, qaıyrymdy lyqtyń qaıyry, qaıta aınalyp ózińe tıedi dep, urpaǵyna naqyl qaldyrýy tegin emes. Endeshe, qaıyrymdylyq jasaǵan «Asyl Mıras» qory jáne sılyq alýshy perezenthana ujymy ıgi istiń qaıyr, berekesin kórsin. Bir kezde atalarymyz shala dep, tymaqqa salyp, kerege basyna ilgen nárestereler, endi zamannyń órkenine saı, zamanaýı apparatta aman esen. denderi saý, deneleri shıraq ósip, óne bersin. Eki jaqqada Alla bereket bersin deımiz. Jıyn sońynda qaıyrymdylyq sharasyna qatysqan bir qatar azamattardy qazaq salty boıynsha: -«Syıǵa syı, syraǵa bal» - dep, oblys atynan, den saýlyq basqarmasynyń bastyǵy H. Táshmetov Alǵys hattarmen marapattady. «Syılyq Allah jaǵynan berilgen ǵajap rızyq. Bireýge syılyq berilgende ony qabyl etip, oǵan odan jaqsysyn bersin» degen, ardaqty paıǵambarymyz Muhammed (s.ǵ.s) –nyń hadıs, súnetin oryndaǵan myrzalarǵa, saýap jazylsyn dep tiledik. Halqyna ıgi is jasaıtyn azamattar kóbeıip, ıgi istiń ıgilin kóretin eli aman bolsyn. Baılyǵyn basyp jatpaı, halqynyń ıgiligine jaratatyn jomart jandar kóbeısin. Máýlit aıy múbárák bolsyn jamaǵat!
Shala týǵan náresteni jetildiretin aparattyń syrtqy jáne jumys kezindegi kórinisi.
Dahan Shókshiruly Jámshi
