Belgili prodúser ári aktrısa Baıan Esentaeva “KeshYou” toby týraly fılm túsiredi.
"Bul múzıkl elementterimen túsirilgen fılm bolatyn shyǵar. Men ázirshe ýaqytqa baılanysty eshteńe aıta almaımyn. Qazir rejıserlyq toppen, senarıshilermen kelissózder júrgizip jatyrmyn. Fılmdi 2016 jyldyń sáýir aıynda, toptyń 10 jyldyǵynda kórsetkim keledi", - dedi prodúser.
Kartınada ómirde bolǵan oqıǵalar men oıdan shyǵarylǵan elementterge negizdeledi. "Bul - topqa qyzdardyń qalaı kelip, qalaı ketetini týraly ádemi ertegi bolatyn shyǵar. Ázirshe oılanyp otyrmyz. Qazir barlyǵy tek kelissózder sheńberinde júrip jatyr", - dedi Baıan Esentaeva.
Túsirilimge ujym tarıhynda bolǵan eń kórnekti qatysýshylar shaqyrtylady. Esentaevanyń aıtýynsha, olardyń qatarynda mindetti túrde Janar Doǵalova men Kámshat Joldybaeva bolady.
Aıta keteıik, "KeshYou" tobynyń eń birinshi quramynda Baıan Esentaevanyń basqarýymen Ánel Árinova, Zýmrad Garaeva men Móldir Áýelbekova kirdi. On jyldyń ishinde 5 solıs aýysty. Jaqynda gerlz-bendten Kámshat Joldybaeva men turmysqa shyqqaly júrgen Aıdana Medenova ketkeli jatqany belgili boldy. "KeshYou" tobynyń jańa quramy týraly resmı aqparat "Qazaq Arýy-2015" baıqaýy barysynda jarıalanady, baıqaý Almaty qalasynda 22 naýryzda ótedi.
Derekkóz: Tengrinews.kz
