Mońǵol telearnasynda kórsetiletin «Manaı ber» («Bizdiń kelin») teleshoýyna qatysýshy kelinderge berilgen eń alǵashqy tapsyrma – mońǵoldyq «hıısteı saı» shaıyn daıyndaý boldy, dep Qamshy.kz aqparat agenttigi ARD súıenip jazady.

Súúteı hıısteı saı – mońǵoldyq dástúrli shaı. Ony kók shaı, sút, maı, tuz, arpa uny, qaqtalǵan et jáne kúrish qosyp daıyndaıdy. Súúteı hıısteı saıdy dastarhanda etten jasalǵan taǵam kóp kezde kúnine birneshe ret ishedi. Mundaı shaı sorpanyń rólin atqarady dese de bolady.

Bul tapsyrmany qatysýshylardyń barlyǵy muqıat oryndap, tipti japondyq jáne amerıkalyq kelinshekter de býráttyq pen qazaq kelininen kem túspedi.

Hanna Maksým jáne Mına Tamýra otbasylarynan jáne ádil qazylar alqasynan madaqtaýlar estidi. Shyǵys áıeli retinde Mına úlkenderdi qurmetteıtinin, olardan kóptegen nárse úırengenin aıtty. Ol mońǵol taǵamdaryn daıyndaýdy biledi jáne súúteı saıdy kúıeýiniń ájesinen úırengen eken.

Tursyn Satqanova bolsa, mońǵol salt-dástúrin biletindigin jáne Táńirge súúteı shaıdy syıǵa tartý saltyn biletindigimen bólisti.

Hanna esimdi amerıkalyq kelinshek borstoı súúteı saıdy kepken etpen jasady. Shaıdyń kóptegen túri bar, sonyń ishindegi bors uzyn jolaq etip kesilgen jáne ashyq aýada  súrlengen et. Ol ázirlegen shaıdyń dámin tatqan ádil qazylar Hannany «naǵyz mońǵol kelinshegine» aınalǵanyn aıtty.