Búgin qazaqstandyqtar úshinshi ret Alǵys aıtý kúnin atap ótedi, dep habarlaıdy Qamshy.kz aqparat agenttigi.

Alǵys aıtý kúni – kúrdeli zamanda ıyq tirese birge eńserip, qysqa merzim ishinde Elbasynyń basshylyǵymen Táýelsiz Qazaqstandy qurý jolynda aıanbaı ter tókken elimizdiń barlyq azamatttarynyń bir-birine qurmet bildiretin kún.

2016 jylǵy 14 qańtarda Qazaqstan respýblıkasynyń Prezıdenti Nursultan Nazarbaev Qazaqstan halqy Assambleıasynyń qurylǵan kúni 1 naýryzdy elimizde Alǵys aıtý kúni dep jarıalap, № 173 Jarlyqqa qol qoıǵan bolatyn.

Sonda Alǵys aıtý kúniniń mańyzyn Elbasy bylaı túsindirgen:

«Qazaqstan halqy assambleıasy qurylǵan kún – 1 naýryzdy jyl saıyn barlyq etnostardyń bir birine jáne meıirbandyq tanytyp, ol adamdardy óz týǵanyndaı qabyldaǵan qazaqtarǵa alǵys aıtý kúni retinde atap ótý ádiletti bolar edi. Ol kún bizdi burynǵydan da góri jaqyndastyra túspek. Bul kún meıirimdiliktiń, búkil qazaqstandyqtardyń bir birine degen dostyǵy men mahabbatynyń jarqyn merekesi bola alar edi», – degen bolatyn.

Buǵan qosa merekeniń Qazaqstan qoǵamyndaǵy senim men dostyqty nyǵaıta túsetinine senim bildirgen.

Alǵys aıtý kúni bar bolǵany úshinshi márte atalyp ótip jatsa da, el úshin aıtýly izgi dástúrge aınalyp keledi. Osy oraıda, búgin Astanadaǵy Beıbitshilik jáne Kelisim saraıynda QR Memlekettik Hatshysy Gúlshara Ábdihalyqovanyń qatysýymen «Alǵys aıtý kúnine» oraı Qazaqstan halqy Assambleıasynyń saltanatty sharasy ótedi. Al dál búgin aıtýly dataǵan oraı, Almaty shaharyndaǵy Ulttyq kitaphana ashyq esik kúnderin bastap, Dostyq úıinde «Qazaqstan - birlik pen tatýlyqtyń mekeni» atty shara arqyly konserttik baǵdarlamamen birge qolóner týyndylarynyń kórmesi men Almaty qalasynyń etnomádenı birlestikteriniń ulttyq aspazdyq óneriniń kórmesin uıymdastyrmaq.