Ymyrt úıirilgen kezden bastap stýdentter qalashyǵyndaǵy jastar kóshege shyǵýǵa qorqatyn. Sebebi jarty jyl ishinde bul jerde zorlanyp, óltirilgen 3 qyzdyń máıiti tabylǵan.
Bul keńes odaǵy ydyrap jatqan kez edi. Respýblıkadaǵy iri ýnıversıtetterdiń birinde áıelder men qyzdar arasynda, stýdentter arasynda qorqynysh paıda boldy.
Barlyǵy bir aýyzdan qalashyqta paıda bolǵan «manák» týraly aıta bastady.
Birinshi qurbannyń máıitin kishkentaı balalar ýnıversıtetke kórshiles kópqabatty úılerdiń birinen kórip qalǵan. Baýyzdalǵan qyzdy kórgen alty jastaǵy bala biraz ýaqytqa deıin sóıleı almaı qalypty. Jas qyz zorlanyp, sómkesi tonalǵan. Bastapqyda polısıa qandaı da bir «manáktyń» paıda bolǵany týraly oılamaǵan da.
Qyzdyń máıitinie saraptama jasaı kele, qylmyskerdiń qanynyń tobyn anyqtaý múmkin bolǵan. Qany ekinshi topqa jatatynyn bilgen soń, polısıa osy belgi boıynsha buryn-sońdy jaýapqa tartylǵandardy tekseredi. Alaıda ol nátıje bermeıdi.
Bir aı ótken soń Almatynyń İİB qyzmetkerleri İİM-nen kómek suraıdy. Sebebi taǵy bir qyz iz-tússiz joǵalady.
Jataqhanaǵa keshke qaraı kelemin degen qyz iz-tússiz joǵalyp ketken. QazUÝ tóńiregin sharlaǵan polısıa eshteńe tappaı qur qol qaıtady. Dál osy kezde polısıa bul qylmystarǵa «manák», qanisherdiń qatysy bar ekenin túsinedi.
Qanisherdiń kim ekenin anyqtaý, bul istegi eń qıyn ári uzaqqa sozylǵan proses bolady. Polısıa ýnıversıtet rektoratynan burynǵy stýdentter men oqýdan shyǵarylǵandardyń tizimin qarap, zertteıdi. Ýnıversıtet oqytýshylary men qyzmetkerlerine deıin kúdikke ilinedi. Polısıa 7000-ǵa jýyq medısınalyq kartalardy tekserip shyqqan.
Basty belgili nárse – qylmyskerdiń ýnıversıtet mańaıynda turatyndyǵy jáne onyń avtokóligi joq ekendigi boldy.
Tipti, polısıa mynadaı qıturqy áreketke barǵan. Bes áıel polıseılerdi ashyq kıindirip, betin árlep ýnıversıtet mańaıynda «qydyryp» kelýdi tapsyrǵan. Osy tásil arqyly qylmyskerdi ustamaqshy bolǵan. Alaıda qylmysker bul kezde de ustalmaıdy.
Bir kúni polısıa taǵy bir qurbannyń máıitin oqıǵa orynynda tekserip jatqan kezde qyzmetkerlerge qarap turǵan bir er adamdy baıqaıdy. Ol buryn zorlaý boıynsha sottalǵan er adam bolyp shyǵady. Alaıda onyń qan toby qylmyskerdiń qan tobymen sáıkes kelmegendikten, polısıa ony kúdikti retinde qarastyra almaıdy.
Keıin belgili bolǵandaı, qylmysker Sergeı Manjıkov esimdi er adam bolǵan. Birneshe kún ótken soń S.Manjıkov polısıany óziniń turǵylyqty jerine shaqyryp, bir jaǵymsyz ıistiń mazalaıtynyn aıtady. Onyń úıine kelip jetken quqyq qorǵaý qyzmetkerleri turǵyn úıden eshqandaı ıistiń shyqpaıtynyn anyqtap, Manjıkovtyń aqyl-esi kem degen oıǵa keledi.
Osy ýaqyt aralyǵynda taǵy bir qylmys bolady. Ádettegideı, taǵy bir qyz zorlanyp, óltirilgen. Biraq eshqandaı aıǵaq tabylmaıdy.
Sóıtip júrgende polısıaǵa bir jup habarlasady. Olardyń aıtýynsha, belgisiz er adam ekeýine shabýyl jasaǵan. Kezdesýge keshigip kelgen jigit óziniń qurbysyna belgisiz er adamnyń tıisip jatqanyn kórgen. Arada tóbeles ornap, kúdikti jigitti pyshaqtap, qashyp ketken. Zábir kórgen qyz ózine shabýyldaǵan er adamdy sýrettep bergende polısıa ony birden tanıdy. Qylmysker – polısıanyń kóz aldynda júrgen Sergeı Manjıkov edi.
Onyń meken-jaıyn bilgen polısıa birden qylmyskerdi úıinen ustap alady. Bastapqyda óziniń kinásin moıyndamaǵan ol, tek qan toby qylmyskerdikimen sáıkes keletindigi anyqtalǵan soń ǵana barlyq shyndyqty jaıyp salady.
Qylmyskerdi qan toby sáıkes kelmegendikten, uzaq ýaqyt ustaı almaı kelgen. Manjıkovtyń qan toby 2-emes, 3-bolyp shyqqan. Saraptama durys jasalmaýy sebebinen, taǵy birneshe qyz qubhrban bolyp, er adam aýyr jaralandy.
Qanisherdiń úıinde izdestirý júrgizgen polısıa qyzmetkerleri ol óltirgen qyzdardyń zattaryn, áshekeılerin tapqan. Qylmysker tipti óz qurbandarynyń áshekeılerin ápkeleri men súıiktisine syılaǵan.
Tergeı aıaqtalǵan soń, Sergeı Majıkov keshirim surap, jylap jalbarynǵan kórinedi. Alaıda, sot oǵan qatysty eń qatań jaza – ólim jazasyn taǵaıyndady.
