27 naýryz kúni BQO Óńirlik komýnıkasıalar qyzmeti alańynda ótken baspasóz máslıhatyna BQO densaýlyq saqtaý basqarmasynyń basshysy Q.D.Tósekbaev qatysyp, ózi basqaratyn vedomstvonyń ótken jylǵy jumysynyń qorytyndylaryn jarıa etti jáne bıylǵy jylǵa arnalǵan josparlarymen bólisti.
Spıkerdiń aıtýynsha, elimizde 2016-2019 jyldarǵa arnalǵan «Densaýlyq» memlekettik baǵdarlamasynyń ekinshi jyly iske asyrylyp jatyr. Memlekettik baǵdarlamanyń oblysymyzdaǵy negizgi kórsetkishteri tómendegishe: 1000 turǵynǵa shaqqanda jalpy ólim-jitim kórsetkishi 5,1%-ǵa tómendedi jáne 8,41 qurady (2016 j.- 8,87); náreste ólim-jitimi kórsetkishi 1000 tiri týylǵanǵa shaqqanda 14,1%-ǵa tómendedi jáne 7,0 qurady (2016 j.- 8,15); týberkýlezden ólim-jitim kórsetkishi 100 myń turǵynǵa shaqqanda 3,7%-ǵa tómendedi jáne 2,6 qurady (2016 j.- 2,7); qaterli isikterden ólim-jitim kórsetkishi 100 myń turǵynǵa shaqqanda 4,7%-ǵa tómendedi jáne 93 qurady (2016 j.-97,61); jaraqattardan, jazataıym jaǵdaılardan jáne ýlanýlardan ólim-jitim kórsetkishi 100 myń turǵynǵa shaqqanda 6,9%-ǵa tómendedi jáne 82,43 qurady (2016 j.-83,38).
Oblysta qan aınalymy, qant dıabeti, glaýkoma sekildi t.b. 9 dert túrlerin jáne qaterli isiktiń 6 túrin erte anyqtaý maqsatynda skrınıngtik medısınalyq tekserýler ótkizý josparly jolǵa qoıylǵan. 2017 jyl ishinde jalpy sany 128 myń adam skrınıngten, sonyń ishinde 95 myńnan asa adam qaterli isikke qarsy skrınıngten ótýi tıis boldy. Oblystyń medısınalyq uıymdary 364 kásiporynmen derttiń aldyn alý boıynsha tekserý ótkizýge kelisimshart jasady.
- Jedel medısınalyq járdem qyzmetiniń jumysyn jetildirý jáne onlaın rejıminde jumys isteýi úshin 2017 jyldyń 1 tamyzynan bastap - «Avtomattandyrylǵan jedel járdemniń dıspecherlik qyzmeti» («ADIS») baǵdarlamasy ornatyldy. Qalalyq jedel járdem stansasynda sıtýasıalyq ortalyq ashyldy. Endi dıspecherlik qyzmettiń ekranyna árbir «Jedel járdem» kóliginiń júris-turysy statýsymen shyǵyp turady.
- Jańartylǵan «ADIS» júıesiniń sońǵy 2 aıdaǵy kórsetkishin basqa aılarmen salystyrǵanda birqatar oń nátıjeler bergeni anyq kórinedi. Máselen, dıspecherlik qyzmetke kelip túsken shaqyrtýdy óńdeýdiń ýaqyty 5 mınýttan 2-3 mınýtqa deıin kemidi, naýqasqa jetýdiń ortasha ýaqyty 11,2 mınýttan 9,72 mınýtqa deıin, jol-kólik apaty ornyna jetý ýaqyty 5,52 mınýttan 4,5 mınýtqa deıin qysqardy.
- Oblys halqyn dári-dármekpen qamtamasyz etý úshin 9,26 mlrd. teńge bólindi (onyń ishinde ambýlatorlyq dári – dármekpen qamtýǵa – 4,153 mlrd. teńge, vaksına alýǵa – 1,054 teńge, stasıonarlyq járdemge – 4,056 mlrd. teńge). Oǵan qosymsha turǵyndardy amýblatorlyq deńgeıde dári-dármekpen úzdiksiz qamtamasyz etý úshin respýblıkalyq búdjetten 170 mln. teńge jáne 2018 jyldyń 2 aıyna (qańtar-aqpan), ıaǵnı Biryńǵaı tegin dári-dármek dıstrıbútorynyń jetkizýine deıin 130 mln. 566 myń teńge bólindi.
- Oblysta jalpy sany 9 medısına ǵylymdarynyń kandıdaty bar. Oblysta joǵary bilimdi dáriger mamandarǵa suranys 2018 jyldyń basyna 207 mamandy qurady (qalalyq medısına uıymdarynda – 154, aýyldyq jerlerde - 53). Negizinen jetispeıtin mamandar: jalpy praktıka dárigeri – 51, akýsherıa, gınekologıa – 25, anestezıologıa jáne reanımatologıa – 19, kardıologıa – 10.
- 2017 jyly Densaýlyq saqtaýsalasyndaǵy kadrlyq resýrstardy basqarýdyń óńirlik saıasaty bekitildi, kadrlarǵa qatysty oblystaǵy aǵymdaǵy jaǵdaı taldandy, negizgi mindetter, maqsattar jáne olardy júzege asyrýdyń basty tetikteri anyqtaldy.
- Búdjet qarjysy esebinen 24 stýdentti medısınalyq joǵary oqý oryndarynda oqytý úshin búdjetten arnaıy qarjy bólindi (M.Ospanov atyndaǵy BQMMÝ, S.Asfendıarov atyndaǵy QazUMÝ).
2017 jyly óńirimizge 86 jas dáriger maman kelip, onyń 44-y aýdandarǵa jumysqa ornalastyryldy, 19 mamanǵa turǵyn úı, kóterme járdemaqy jáne jeńildikpen nesıe berý sekildi áleýmettik qoldaýlar jasaldy (2016 jyly - 97, 2015 jyly – 87 maman).
Sondaı-aq, 2017 jyldyń qazan aıynda oqý-klınıkalyq ortalyǵy (OKO) ashyldy. Onyń maqsaty: medısına salasy qyzmetkerleriniń kásibı bilim-biligin kóterý, sonyń nátıjesinde halyqqa kórsetiletin medısınalyq járdemniń sapasyn arttyrý maqsatynda arnaıy oqytý.
Medısına uıymdarynda pasıenttiń elektrondy tólqujatyn jasaý jumysy bastalýda. Ony 2018 jyly júzege asyratyn pılottyq mekemeler retinde oblystyq klınıkalyq aýrýhana jáne №3 qalalyq emhana tańdap alyndy.
2016 jyly 1064 dana (152,3 mln. teńge), 2017 jyly 947 dana kompúterlik tehnıka satyp alyndy. Ol jergilikti búdjet qarjysy esebinen (162,5 mln. teńge) jáne medısına uıymdarynyń óz qarajaty esebinen júrgizildi. Sóıtip, tehnıkamen jaraqtandyrý deńgeıi 100 paıyzǵa jetti.
BQO densaýlyq saqtaý basqarmasymen memlekettik-jeke áriptestikti (MJÁ) damytý maqsatynda eki jobany júzege asyrý úshin kelisimsharttar ázirlenýde. Olar: «Shyńǵyrlaý aýdanynyń Lýben aýylynda aýysymyna 35 adamdy qabyldaýǵa arnalǵan dárigerlik ambýlatorıany salý jáne paıdalaný»; «Oblystyq klınıkalyq aýrýhanaǵa magnıttik-rezonanstyq tomografty lızıńke alý» jobalary.
- Áleýmettik mańyzy zor «Oblystyq klınıkalyq aýrýhanaǵa magnıttik-rezonanstyq tomografty (MRT) lızıńke alý» jobasy boıynsha konkýrs ótkizilip, jeńimpaz anyqtaldy (DAL Kazahstan JSHS, Almaty qalasy). Endi kelisimshartqa qol qoıý kózdelýde. MRT kómegimen erekshe qıyn dertterdi ýaqytynda anyqtap, emdeýge jol ashylady.
- Shyńǵyrlaý aýdanynyń Lýben aýylynda aýysymyna 35 adamdy qabyldaýǵa arnalǵan dárigerlik ambýlatorıany salý jáne paıdalaný» jobasy boıynsha da jeńimpaz belgili boldy (Laıge JSHS, Oral qalasy) jáne ınvestormen shartqa qol qoıylý kútilýde. Atalǵan aýyldyń áleýmettik-ekonomıkalyq eskere otyryp, bul joba halyqtyń densaýlyǵyn odan ári jaqsartýǵa, sonyń ishinde skrınıngter ótkizýge kóp kómegin tıgizedi degen senim mol.
Oblystyń densaýlyq saqtaý salasyn damytýǵa oraı 2018 jylǵa arnalǵan joba-josparlar:
- «Densaýlyq» baǵdarlamasynyń josparlanǵan kórsetkishterine jetý;
- Aqjaıyq aýdanynda ınsýlt ortalyǵyn ashý;
- oqý-klınıkalyq ortalyǵy (OKO) bazasynda QazUMÝ, AlmaUniversity fılıaldaryn ashý;
- qaǵazsyz aýrýhana - 100%;
- MJÁ kelisimsharttaryn júzege asyrý;
- baqylaý keńesterinde korporatıvtik menedjment engizý;
- 15 nysandy kúrdeli jóndeý.
-biryńǵaı mobıldi qosymsha jasaqtaý.
