Elimiz egemendigin alǵannan keıin Qazaqstan Respýblıkasy Prezıdentiniń bastamasymen birqatar ekonomıkalyq reformalar júzege asyryldy. Sol elimizdi reformalaý baǵytyndaǵy birden-bir negizgi kezeńderdiń biri memlekettik menshikti jekeshelendirý jáne memleket ıeliginen alý baǵdarlamasy boldy.
Jekeshelendirýdiń osy kezdegi tolqyny naryqtyq ekonomıkanyń negizderin berik etý maqsatynda júrgizilýde, jáne osy baǵdarlamanyń negizgi ıdeıasy – eldiń jeke bıznesiniń odan ári damýyna serpin berý.
Jekeshelendirý baǵdarlamasynyń maqsaty bızneske memlekettiń qatysý úlesin qysqartý bolyp tabylady. Bul oǵan jeke sektor úlesin ulǵaıtý esebinen ekonomıkanyń negizderin kúsheıtýge baǵyttalǵan Memleket saıasatymen ózara baılanysty. Memlekettik menshiktiń úlesi 2020 jylǵa deıin EYDU elderiniń deńgeıi – JİÓ 15%-na deıin jetkizilýge tıis.
Memleket basshysy óziniń «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna arnaǵan Joldaýynda «Búginde turaqty ekonomıkalyq ósimdi qamtamasyz etý úshin ishki resýrstardy barynsha bosatýdyń mańyzy zor. Ol úshin biz eki tıimdi quraldy – keń aýqymdy jekeshelendirýdi jáne básekelestikti ulǵaıtýdy paıdalanýǵa tıispiz» dep atap ótken bolatyn. Atalǵan tapsyrmany iske asyrý úshin Úkimet «Jekeshelendirýdiń 2016-2020 jyldarǵa arnalǵan jańa keshendi josparyn» qabyldady.
Jekeshelendirýdiń ekinshi tolqyny sheńberinde oblys kóleminde 37 nysan, onyń ishinde qala boıynsha 8 uıym jekeshelendirilýi tıis bolatyn. Atap aıtqanda, «Jambyl-Taraz» gazetiniń redaksıasy» JSHS (10%), «Taraz Turǵyn úı» JSHS (51%), «Jasyl El-Taraz» JSHS (51%), «Ortalyq dıspecherlik qyzmet» JSHS (51%), «Raýan» balalar saýyqtyrý lageri» MKQK jáne «Bolashaq» balalar saýyqtyrý lageri» MKQK (múliktik keshen),«TarazQurylysProekt» JSHS (49%), «Ortalyq dıspecherlik qyzmet» JSHS(49%).
Búginde básekeles ortaǵa berýdiń mejelegen jospary tolyǵymen oryndalypotyr.
Jekeshelendirý – jappaısatýnaýqanyemes. Sanalytúrdesaralanǵan sala ekonomıkaǵasál de bolsynpaıdaákelýishart.
Qazirgi memlekettik menshikti jekeshelendirý úrdisi óziniń tıimdiligi jaıly kóp saýal týǵyzady. Jurttyń kóbisi ol is-sharanyń paıdasy bar ma jáne ol nede dep suranady.
Kásipkerlik úshin birqatar kórinis ónimdi bola alady.
Birinshiden, jeke kásipkerlik naryǵy memleket oǵan birneshe ekonomıka sektorlaryn bergendikten ósedi. Eger buryn memlekettik kásiporyndar memlekettik tapsyrys alatyn bolsa, olar jeke kásiporyndarmen básekelestikte árdaıym jeńetin. Osy teńsizdikti joıý Qazaqstannyń jeke kásipkerlikteriniń ekonomıkasyn ilgeriletedi.
Ekinshiden, jekeshelendirýmen qatar kásipkerlikti jáne onyń menedjmentin basqarýdyń ınovasıalyq ádisterin qoldanýǵa bolady.
Úshinshiden, kásipkerler úshin ınvestısıalaýdyń kóptegen jańa baǵdarlarynyń múmkindikteri ashylady.
Tórtinshiden, qyzmetterdiń kólemderi men túr-túrleri ósedi, al ol óte mańyzdy.
Álbette, osymen qatar, osy artyqshylyqtardan halyq úshin paıdaly bastamalar týyndaıdy. Nátıjesinde qoǵam, sapasy men ár túrliligi keń, al baǵasy básekelestik arqasynda azaıǵan qyzmetter alady.
Sonymen qatar, áleýmettik mańyzdy kompanıalar belgili bir shartpen satylady – ony satyp alýshy jumys ornyn saqtap, kompanıanyń salalyq qyzmeti men áleýmettik máseleler boıynsha mindettemesin óz moınyna alýy tıis.
Taraz qalasy ákimdiginiń qarjy bóliminiń basshysy J.Párimbekov
