Baǵa azyq-túlik taýarlaryna aǵymdaǵy jylǵy tórt aıda (2018j. sáýir 2017j. jeltoqsanǵa) – 2,8%, azyq-túlik emes taýarlaryna – 1,7%, aqyly qyzmetterge 1,9%-ǵa ósti.

paıyzben, ósýi

Aǵymdaǵy jyldyń basynan (2018j. sáýir 2017j. jeltoqsanǵa) baǵanyń ósýi jańa jınalǵan kókónisterge – 14,4%, jańadan jınalǵan jemisterge – 9,8%, kartopqa – 7,2%, máıekti irimshikke – 5%, konservilengen sútke – 4,6%, kofege – 3,5%, sary maıǵa – 3,4%, qyshqyl sút ónimderine – 3,3%, jańa saýylǵan sútke – 2,8%-ǵa, súzbege, sıyr etine, jylqy etine, et ónimderine – 2,5%-dan, shujyqtarǵa – 2,3%, jemis jáne kókónis shyryndaryna – 2,2%, shoshqa etine – 1,8%, salqyndatylǵan sýsyndarǵa 1,6%-ǵa belgilendi. Baǵanyń tómendeýi qaraqumyq jarmasyna – 15,9%, qara shaıǵa – 1,8%, qus etine – 1,4%, jumyrtqaǵa 1,1%-ǵa tirkeldi.

Baǵa ósimi farmasevtıkalyq ónimderge – 2,9%, avtomobılderge – 2,8% jeke qoldanatyn taýarlarǵa – 2,1%, turmystyq aspaptarǵa – 1,9%, shyny jáne qyshtan jasalǵan ónimderge – 1,8%-ǵa, kıim jáne aıaq kıimge, jýǵysh jáne tazalaǵysh quraldarǵa – 1,7%-dan, jıhaz jáne úıge qajetti zattarǵa – 1,6%, toqyma buıymdaryna – 1,5%, kitaptarǵa 1,3%-dy qurady. Dızel otyny – 2,5%, balondaǵy suıytylǵan gaz – 1,7%,benzın – 1%, tas kómir 0,7%-ǵa qymbattady.

Baǵa deńgeıi quqyqtyq qyzmetterine, jeke kólik quraldaryn saqtandyrý – 6%-dan, mektepke deıingi balalar mekemesiniń qyzmetterine – 3,2%, densaýlyq saqtaý – 2,9%, shashtarazdar men jeke qyzmet kórsetý oryndary – 2,5%, qoǵamdyq tamaqtandyrý qyzmetterine 1,1%-ǵa ósti. İshki qalalyq avtobýspen jol júrý aqysy – 3,1%-ǵa, qalaaralyq avtobýs, jolaýshylardyń temir jol kóligimen 2,8%-dan qymbattady, al áýe kóligimen 2,2%-ǵa arzandady.

Turǵyn úı-kommýnaldyq qyzmetter salasynda tarıfter elektr energıasyna – 3,6%-ǵa, ortalyqtan jylytýǵa, ystyq sýǵa – 3,5%-dan, qoqys shyǵarýǵa – 3%, turǵyn úıdi kútip ustaýǵa – 2,2%, taratý jelileri arqyly tasymaldanatyn gazǵa – 1,9%, sýyq sýǵa – 0,9%, kárizge 0,8%-ǵa joǵarylady.