Semeıde №28 mekteptiń oqýshylary sport jáne akt zaly men muǵalimder bólmesinde oqyp jatyr, dep habarlaıdy QazAqparat.

Qazir shatyry tesik mektepke jóndeý jumystary júrgizilýde. Uzaq jyl jóndeý kórmegen bilim oshaǵy bıyl jóndeletin mektepter tizimine engen. Tender jarıalanyp, jeńimpaz anyqtalǵannan keıin merdiger mekeme jumysty bastap ketken. Sondyqtan eki aýsymda bilim alatyn myńǵa jýyq oqýshy sport jáne akt zaly men muǵalimder bólmesinde oqýǵa májbúr. Mekteptiń shatyry eskirgen. Jańbyr jaýsa tóbesi tesik mekteptiń ishi sýǵa tolady. Sondyqtan keler oqý jylyna deıin jumysty aıaqtaý úshin merdiger jóndeýdi erte bastaǵan kórinedi. Alaıda ata-analar balalary úshin alańdaýly.

«Men oqýshylar úshin ýaıymdaımyn. Mekteptiń tóbesi óte juqa. Al joǵary synyp oqýshylary qazir sportzalda bilim alýda. Al bastaýysh synyp oqýshylary dálizde oqýda. Eń úlken qaýip - bul shatyrdyń tóbesinen qulap jatqan kirpish pen tastar. Oqý jylynyń sońyn tospaı jóndeýdi bastap ketkenderine narazymyz»,- deıdi ata-analardyń biri Valentın Pımonov.

Ata-analardyń sózinshe, mekteptegi sońǵy qońyraý da jóndeý jumystaryna baılanysty merziminen buryn ótpek.