Almaty oblysyndaǵy Esik qalasynda bolǵan atys saldarynan eki adam jaraqat aldy. Olardyń biri aýrýhanada kóz jumdy, - dep habarlaıdy Tengrinews.kz.
Keı málimetter boıynsha, marqum İİAB qyzmetkeri bolǵan.
Jergilikti turǵyndardyń málimdeýinshe, oqıǵa mamyrdyń segizine qaraǵan túni bolǵan. Eńbekshiqazaq aýdanynyń aýrýhanasyndaǵy dárigerler 8 mamyrda saǵat 03:00-de oq jaraqatyn alǵan eki er adam túskenin aıtady. Olardyń biri 31 jastaǵy polıseı 11 mamyrda kóz jumdy. Oq tıgennen bólek, ol kóptegen ózge jaraqattar alǵan.
Ekinshi adamnyń jaǵdaıy - turaqty. Tıgen oq aıaǵyn syndyrǵan. Dárigerlerdiń sózinshe, 1986 jylǵy er adam esh jerde jumys istemeıdi.
