QR prezıdenti Nursultan Nazarbaev Global Challenges Summit 2018 plenarly otyrysynda qazaqstandyqtardyń búgingi jetistikteri jaıly aıtty, dep habarlaıdy Qamshy.kz aqparat agenttigi.

«Sovet odaǵynda 15 respýblıka boldy, Qazaqstan 12-13-shi orynda edi. Reseıden keıin Ýkraına bolatyn. Búginde Qazaqstan ekonomıkasy men qarqyny jaǵynan ekinshi orynda. Árıne, qıyndyqtar bar. Barlyǵy qarqyndy damyp jatyr, búgingi kúnge jetý úshin biz uzaq daıyndaldyq. Bizdiń álternatıvti ındýstrıa qurý baǵytyndaǵy jumysymyz, jastardy oqytýǵa talpynysymyz, joǵarý oqý oryndaryn ashýymyz –barlyǵy da búgingi kúnge dıyndyq boldy. Sondyqtan Cherchılldiń sózimen aıtsaq, «pesımıs bárinen tek jamandy izdeıdi, al optımıs – jaqsyny», men qazaqstandyqtardy optımıs dep sanaımyn», —dedi Nazarbaev. 

Buǵan qosa Nazarbaev Astananyń 20 jyldyǵyn eskerip, buryndary tek shet aımaqtyq qala ǵana bolǵanyn esine aldy.

«Biz bolashaqqa optımızmmen qaraımyz. Qazaqstan – aýmaǵy jaǵynan úlken memleket, biraq halqy men ekonomıkasy jaǵynan shaǵyn ǵana. Desek te Ortalyq Azıada bizdiń ekonomıkanyń kólemi Kavkazdy qosa alǵanda, qalǵan memleketterden tutastaı alǵanda joǵary. Biz munymen maqtanamyz. Biz bolashaqqa optımızmmen qaraımyz. Bolashaqta jańa tehnıkany, tehnologıany meńgergen elder qatarynda bolǵymyz keledi», — dedi Elbasy.

Aıta keteıik, búgin Astanada Qazaqstan prezıdenti Nursultan Nazarbaevtyń qatysýymen  Challenges Summit 2018 forýmynyń jalpy otyrysy ótip jatyr. Forým 17-19 mamyr kúnderi ótedi. Onda álemniń túrli elderinen 500-ge jýyq spıker qatysty. Forým barysynda Nursultan Nazarbaev alyp memleketter arasyndaǵy kelispeýshilik syndy máselelerge toqtalyp ótti.