AQSH-tyń BUU-daǵy turaqty ókili Nıkkı Heılı Qurama Shtattyń dúnıejúzilik uıymnyń adam quqyǵy jónindegi keńesinen resmı túrde shyǵatynyn málimdedi, dep habarlaıdy Qamshy.kz aqparat agenttigi.
Alaıda Nıkkı Heılı AQSH adam quqyqtaryn saqtaý týraly mindettemeden bas tartpaǵanyn atap ótti.
«Adam quqyqtary jónindegi keńeske múshe bolýdy toqtatqanymyzdy eskere otyryp, biz BUU-nyń adam quqyqtary problemalaryn sheshýge qatysý boıynsha barlyq qurylymyn kúsheıtýge tyrysamyz. Eger ol reformalansa, biz qaıtadan keńes múshesi bolýǵa daıynbyz», - dedi Helı.
AQSH pen adam quqyqtary jónindegi keńes bir-birin birneshe ret synǵa aldy. Keńestiń sońǵy otyrysynda Aq úıdiń kóshi-qon saıasatynyń sheńberinde ótkiziletin balalardy ata-analarynan bólip tárbıeleý tájirıbesi aıtylǵan bolatyn.
Óz kezeginde, Tramptyń ákimshiligi keńestiń Izraılge qatysty nemquraıly qarym-qatynasyn synǵa aldy.
Tramptyń qazirgi ulttyq qaýipsizdik jónindegi keńesshisi Djon Bolton 2006 jyly BUU-da adam quqyqtary jónindegi organnyń qurylýyna qarsylyq bildirgen bolatyn.
