Astanada «Memleket pen bıznestiń seriktestigi ekonomıkany jańǵyrtýdyń negizi retinde» taqyryby boıynsha Forým ótkizildi.
Forýmnyń maqsaty - bılik organdary men bıznestiń arasyndaǵy seriktestik ózara qatynastardy qurý, sondaı-aq kásipkerlik qyzmetti memlekettik retteýdi jetildirýdiń: bıznesti qaıta retteýdiń ózekti máselelerin talqylaý. Kelisilgen jáne dáıekti jumystyń arqasynda búgingi kúni otandyq kásipkerlerge júktemeni azaıtý boıynsha aıtarlyqtaı nátıjelerge qol jetkizildi.
Syndarly pikirtalas qurý úshin Forýmnyń jumysyna QR Parlamenti, Úkimetiniń, ortalyq memlekettik organdardyń, ulttyq kásipkerler palatasynyń ókilderi, sondaı-aq bıznes-qaýymdastyq ókilderi qatysty.
Forým Ulttyq ekonomıka mınıstri Tımýr Súleımenovtyń sózimen bastaldy, ol aǵymdaǵy jyldyń 24 mamyrynda Memleket basshysynyń kásipkerlik qyzmetti retteýdi jetildirý máselesi týraly Zańǵa kópshilik aldynda qol qoıǵanyn atap ótti. Ol 14 kodekske jáne 109 zańǵa 1000-ǵa jýyq túzetýler engizýdi kózdeıdi. Zań bıznes shyǵyndaryn qaıta retteý jáne azaıtý, ákimshilik kedergilerdi joıý jáne kásipkerlikti damytýǵa yntalandyrý jóninde júrgizilgen saıasatty eskere otyryp ázirlendi. Qabyldanǵan sharalardyń negizgi maqsaty memlekettik bıliktiń vektoryn aýystyrý bolyp tabylady. Iaǵnı, bılik ókilettigi saıasatynan seriktestik pen yntymaqtastyq saıasatyna kóshý. Osylaısha, Zańnyń negizgi baǵyty memlekettik qyzmetshiniń baqylaý-qadaǵalaý fýnksıalaryn júzege asyrýdaǵy mentaldyǵyn ózgertýge baǵyttalǵan aldyn-ala baqylaýdy engizý bolyp tabylady. Ulttyq ekonomıka mınıstri Tımýr Súleımenov atap ótkendeı, qazir tekserýler júrgizý saıasaty «anyqtaý jáne jazalaý» úshin qurylǵan, osymen birge tekserýshiniń qyzmeti dál osy anyqtalǵan buzýshylyqtar men jazalaýlar sany jaǵynan baǵalandy. Óz kezeginde, dál osy «aldyn-ala baqylaý» ınstıtýty «anyqtaý jáne túzetý» saıasatyna baǵyttalǵan, bul bıznes pen memlekettiń seriktestik qarym-qatynasyn qurýǵa múmkindik beredi. Sonymen birge, mınıstr Súleımenov atap ótkendeı, aldyn-ala baqylaý ınstıtýty qazirgi zamanǵy memlekettik qyzmetshiniń mentaldyǵyn ózgertýdegi alǵashqy qadam bolyp tabylady.
«Atameken» Ulttyq palatasynyń Basqarma Tóraǵasynyń orynbasary Júrsinov Rýstam Ulttyq kásipkerler palatasy QR Úkimetiniń kásipkerlik sektorda júrgizgen reformalarynyń tolyq quqyly qatysýshysy bolyp tabylatynyn atap kórsete otyryp, júrgizilgen reformalardyń bızneske áserine óz baǵasyn berdi. Sonymen qatar, dál osy bıznes pen memlekettik bılik arasyndaǵy áriptestik qarym-qatynastardyń qurylýy bizdiń elimizde básekege qabiletti jáne ekonomıkalyq tıimdi kásipkerliktiń negizin jasaýǵa múmkindik beretinin de atap ótti.
Bas Prokýratýranyń Quqyqtyq statısıka jáne arnaıy esepke alý komıteti Tóraǵasynyń orynbasary Sattar Abý-Alı, óz sózinde TSOBT jobasy arqyly júzege asyrylatyn, memlekettik organdardyń baqylaý-qadaǵalaý qyzmetinde adamdyq faktordy boldyrmaýǵa jáne aqparattyq júıelerdiń rólin arttyrýǵa nazar aýdardy. Jobanyń negizgi maqsaty - memlekettik baqylaý men qadaǵalaýdyń ashyqtyǵy, zańsyz tekserýlerdiń jolyn kesý jáne olardyń sanyn azaıtý.
Forýmǵa qatynasýshy qatysýshylardyń bıznes múddelerin qozǵaıtyn sońǵy zańnamalyq ózgerister týraly eń mańyzdy aqparattar alyp qoıyp qana emes, sonymen qatar spıkerlerdiń árqaısysyna óz suraqtaryn qoıý múmkindikteri de boldy.
Qazaqstannyń kásipkerler quqyǵyn qorǵaý jónindegi ýákiletti ókili Bolat Ábilqasymuly Palymbetov qatysýshylarǵa bıznes-ombýdsmenniń oryndaıtyn negizgi fýnksıalary týraly túsindirdi, onyń ishinde bastysy memlekettik organdar tarapynan zańsyz qýdalaýǵa jol bermeý bolyp tabylady, sondaı-aq tutastaı kásipkerlikti damytýdaǵy Úkimettiń oń baǵytyn atap ótti.
QR Parlamenti Senatynyń Ekonomıkalyq saıasat, ınovasıalyq damý jáne kásipkerlik komıtetiniń tóraǵasy Asqar Asanuly Beısenbaev, forýmnyń sońynda memleket pen bıznestiń qalyptasqan seriktestik tájirıbesine óz túıindemesin berdi. Depýtat yntymaqtastyq memleket tarapynan da, dál solaı bıznes tarapynan da ózara tıimdi jáne ózara tolyqtyrýshy qatynastarǵa negizdelýi tıis ekendigin atap ótti. Búgingi kúni memleket bıznes úshin aıtarlyqtaı jaǵdaılar jasady, biraq bıznes te óz kezeginde, eldiń ekonomıkalyq damýyna óziniń shamadan tys úlesin qosýy kerek.
