Aqyl satamyn! Qulaqqa túrpideı estiletin bul sóz búgin normaǵa aınaldy. Ol "semınar, ıakı trenıń" dep atalady. Qolynda mıllıon ustap kórmegender, mıllıoner bolýdyń jolyn kórsetedi, ana baqytyn sezinbegender , bala tárbıesin úıretedi. Soraqysy, mundaı aqyl úıretetin trenıńterdi shoý bıznes ókilderi de qoldap otyr. Tipti psıholog bapkerler kitap oqymaıtyn erinshekterdiń arqasynda bıznesterin dóńgeletip otyrǵandaryn da jasyrmaıdy. Bul týraly Eýrazıa birinshi arnasy.
«Trenıń ótkizemin! Tabysty bolýdyń kiltin úıretemin! Ómirińizge ózgeris ákelemin! Ári baqytty bolýǵa motıvasıa beremin».
Iá, búginde aqyl satqysh bıznes trenerler men psıholog koýcherler jańbyrdan keıin sańyraýqulaqtaı kóbeıip ketkeni belgili. Máselen, Araılym Ábeýova mundaı bapkerlerdiń jiligin shaǵyp, maıyn ishken. Myńdaǵan aqshasyn da aıamaı quıypty. Tek túıgeni shamaly.
«Ózi-ózindi taný, otbasymen baqytty bolý deıdi ıa? Otbasyn qurý meniń oıymsha eshqandaı trenıńqa baılanysty emes. Ol kádimgideı burynǵy bizdiń apalarymyz, ájelerimiz aıtatyn naqyl sózder. Otbasymen jaqsy qarym qatynas. Ol sol sózdi tek qana buryp, ádemilep áspettep, zamanaýı qyldyryp aıtady» - deıdi qala turǵyny Araılym Ábeýova.
Dese de ábden mashyqtanǵan psıholog-bapkerler aqysyz júrgiziletin trenıńterdiń quny kók tıyn. «Baqyttyń kiltin tapqyńyz kelse aqshańyzdy aıamańyz!» deıdi. Olardyń pikirinshe aqshanyń ózi energıa!
«Aqysyz aqyl qonbaıdy. Jalpy, aqy tólep kelgen semınarlardyń, effektisi óte joǵary. Aqsha degen ol energıa. Adam qandaıda bir energıasyn jumsaǵan kezde, sol jerden sonshalyq nárseni alyp ketýge, sol aqyldy tyńdap, óziniń boıyna sińirip, bilimge ashyq bolýǵa, múmkindiktiń paıyzy joǵaryraq bolady» - deıdi psıholog-trenen Quralaı Qalıeva.
Qyz-qyrqyn, bolashaq mıllıoner bylaı tursyn, qazir óner juldyzdary da psıhologtardyń trenıńterin jaǵalaýda. Roza Álqojanyń pikirinshe, qazir shoý bıznes ókilderi de motıvasıaǵa zárý!
«Óıtkeni, ádebı kórkem shyǵarmalardan góri, qazirgi bizdiń qoǵamda, qalaıda synyp ketpeý, qalaıda joq bolyp ketpeý, óziniń maqsatynan ajyrap qalmaý degen qorqynyshtar bar. Ol óz basymyzda da bar. Sondyqtan, keıde ózimizde jaqsy aqyl keńester bolsa, qarap otyramyz degen sıaqty, jalpy qoǵamnyń qazirgi suranysy sol» - deıdi ánshi Roza Álqoja.
«Neshe túrli trenıńtardan ótkem, ol negizi kerek nárse. Durys muǵalim bolsa. Durys áńgimeni aıtsa. Ol keıbir adamdarǵa kerek. Qarap otyrsańyz trenıńti kóp adam beredi da, ózderi trenıńtiń ne ekenin bilmeıdi da, biraq adamdarǵa quıa beredi áńgimeni. Sondyqtan osyndaı trenıńtardan baıqańyzdar, qymbatty kórermender!» - deıdi ánshi Kental.
Elimizdegi bapkerlerdiń baǵasy da tanymaldylyǵyna baılanysty san qıly. Bir kúndik aqyly shamamen 20-30 myń teńge. Al shetelden at terletip keletin trenerlerdiń aqysy 100 myńnan asyp jyǵylady. Biraq, eń qyzyǵy báriniń de aıtary bir.
«Tekke ne úshin siz bosqa bireýge aqsha beresiz?!Bosqa ýaqytyńyzdy... ol degen bes-alty saǵat balany bir jerge qaldyrý kerek ıá, mysaly, qyz-kelinshekter. Bes-alty saǵatyńdy sen sol jerge jumsaısyń , odan keıin odan nátıje bola ma, mine másele sonda!» - deıdi qala turǵyny Araılym Ábeýova.
Bapkerler semınar men trenıńte aıtatyn dúnıelerdiń bári de kitapta jazylǵanyn jasyrmaıdy. Tek, átteń ony oqıtyndar kemde-kem. Sondyqtanda ony shaınap berýdiń ózi aqsha!
«Qazir kitap oqymaıtyn zaman. Úıdegi meniń kitaphanamdy kórse jurttar tań qalady. Myna kitaptyń bárin kim oqıdy dep?Oqymaıdy. Sol oqyǵanyńnan qaımaǵy 100 súttiń 5 paıyzyn ǵana ákelip, sony juta almaıdy. Sol semınar jalqaý adamdarǵa arnalǵan» - deıdi psıholog-trener Quralaı hanym.
Osylaısha, psıhologıa erinshekterdiń ermegi me? Álde shynynda aqyl satqyshtardyń adamnyń oı sanasyna, tabysqa jetýine, órleýine bereri kóp pe?Bul suraqqa ádil jaýapty kórermenderdiń óz enshisine qaldyrdyq!
