Almaty qalasyndaǵy demografıalyq ahýal jaqsaryp keledi. Oǵan qaladaǵy ekonomıkalyq, áleýmettik jaǵdaıdyń jaqsarýy sebep. Almaty qalasyndaǵy saýda, óndiris salasy 2017 jylmen salystyrǵanda qansha paıyzǵa artyp, ol qala demografıasyna qalaı áser etkenin taldap kórelik.
Jalpy ishki ónim
JİÓ – qalanyń ekonomıkalyq damýyn dál sıpattaıtyn kórsetkish. Almaty qalasynyń JİÓ birinshi jarty jyldyqta 4 800 mıllıard teńge boldy. Al fızıkalyq kólem ındeksi - 102,8%. Qazaqstannyń jalpy ishki ónimindegi Almatynyń úlesi - 19,3%. Bul – Qazaqstan boıynsha eń joǵary kórsetkish.
Jalpy ishki ónim qurylymynda bólshek jáne kóterme saýdanyń úlesi – 30,3%. Al eń tómengi kórsetkish – aýylsharýashylyq, orman sharýashylyǵy jáne balyq sharýashylyǵynda. Onyń paıyzdyq kósetkishi – 0,1%.
Almaty qalasyndaǵy jalpy ishki ónimi - 2 644,0 myń teńge. Bul – respýblıka boıynsha ortasha kórsetkishten eki ese kóp (1 364,7 myń teńge).
Tirkeý statısıkasy
Almaty - kásipkerlikti damytý úshin ekonomıkalyq turǵyda qolaıly qala. Ásirese jeke kásipkerlik pen orta bıznesti damytýǵa yńǵaıly. Kásipkerlik - ekonomıkany gúldendirýdiń negizi. Qazaqstan boıynsha tirkelgen zańdy tulǵa men jeke kásipkerler sany Almaty qalasynda kóp ekenin eskerý kerek. 2018 jyldyń 1 qazanyndaǵy kórsetkishke sáıkes, Almaty qalasynda 122 919 zańdy tulǵa, 159 486 jeke kásipker tirkelgen. Bul – Qazaqstan boıynsha zańdy tulǵanyń 13%, al jeke kásipkerlerdiń - 28,3%-y.
Investısıa statısıkasy
Almaty – respýblıkadaǵy iri qarjy, iskerlik jáne mádenı ortalyq. Bul faktor ınvestorlardy qyzyqtyrmaı qoımaıdy.
2018 jyly 9 aıda ınvestorlar tarapynan negizgi kapıtalǵa quıylǵan soma – 489 mıllıard teńge. Fızıkalyq kólem ındeksi - 118,5% (syrtqy - 76,6 mıllıard teńge, ishki - 412,3 mıllıard teńge, fızıkalyq kólem ındeksi -117,9%).
Qazaqstan boıynsha ınvestısıanyń 6,5% - Almaty qalasynyń úlesi. Jeke ınvestısıa barlyq ınvestısıanyń negizgi bóligin alady - 81%, ıaǵnı 396 mıllıard teńge (ınvestorlardyń jeke qarjysynan - 119,6% jáne basqa qarjy quıý kózderinen - 181,8%).
Negizgi kapıtalǵa quıylǵan ınvestısıanyń ósýi myna salalarǵa tıesili: jyljymaıtyn múlik - 133,1% (31,7%); transport - 186,6% (17,2%), ónerkásip (5,8%).
Qurylys statısıkasy
Almaty qalasyndaǵy halyq sany kóbeıip keledi. Jańa turǵyn úıler, joldar salynyp jatyr.
2018 jyly 9 aıda qurylys jumystaryna - 220,3 mıllıard teńge bólingen. Bul 2017 jylmen salystyrǵanda 5,8%-ǵa kóp.
Qurylys jumystary
Paıdalanýǵa berilgen turǵyn úıdiń jalpy aýmaǵy - 1327,3 sharty metr.
Ónerkásip statısıkasy
Qazaqstanda ónerkásiptiń mańyzy zor. Ásirese óndiriske kóp mán beriledi. 9 aıda ónerkásipke 639,2 mıllıard teńge quıylǵan. Fızıkalyq kólem ındeksi 2017 jyly 103,8% bolǵan.
Ónerkásiptiń úlesi - 74,1% (elektr toǵy, gaz, kondısıalaý - 23,4%. Sý, káriz júıesi, qaldyqtardy jınaý - 2,5%).
Óndiris salasyndaǵy qaǵaz ben qaǵaz ónimderiniń óndirisi (Fızıkalyq kólem ındeksi - 104,2%. Ol azyq-túlik ónimderiniń 4,2% - (23,4%), qaǵaz ben qaǵaz ónimderiniń 11% - ( 1,9%), plasmassa - 17,9% - (3,4%), metalýrgıa- 14,9% - (10,3%) jáne mashına jasaý óndirisiniń 10,3% - (11,9%) arqasynda ósip otyr.
Saýda statısıkasy
Almaty ekonomıkasynyń kórkeıýine yqpal etip otyrǵan – saýda salasy. 2018 jyldyń qańtar men qyrkúıek aılary aralyǵyndaǵy bólshek saýda - 2 125,1 mıllıard teńge. Alma qalasynyń taýar aınalymy - respýblıkanyń barlyq taýar aınalymynyń 12,9%-y.
Turmystyq tehnıka, kólik, kıim-keshek, farmasevtıkalyq ónim saýdasynyń esebinen taýar aınalymynyń jumysy jaqsarǵan.
Kóterme saýda aınalymy - 7 499,3 mıllıard teńge. Bul kórsetkish byltyrmen salystyrǵanda 1,5% kóp, ıaǵnı respýblıkanyń jalpy kóterme taýar aınalymynyń 48,9% -y.
Óndiristegi ósim – kólik, turmystyq tehnıka men alkogólsiz sýsyndardyń esebinen artyp otyr.
Kólik statısıkasy
2018 jyldyń qańtar men qyrkúıek aralyǵyndaǵy júk aınalymy - 18 573 mıllıon teńge (komersıalyq tasymalmen aınalysatyn jeke kásipkerlerdiń júk aınalymyn qosa eseptegende). Bul kórsetkish 2017 jylmen salystyrǵanda 10,9% kóp. Jolaýshylardy tasymaldaý - 29 464 mıllıard teńge. Bul 2017 jylmen salystyrǵanda 8,9% kóp.
2018 jyldyń qańtar men qyrkúıek aılary aralyǵyndaǵy áleýmettik-ekonomıkalyq damýynda oń ózgerister baıqalady.
Qazaqstanda 2019 jyly ulttyq sanaq júrgiziledi. Sanaq – ınternet júıesinde onlaın rejimde jáne arnaıy quraldarmen (planshetter) toltyrý arqyly júrgiziledi. Barlyq jaǵdaıda saýalnamadaǵy suraqtarǵa bir adam barlyq otbasy músheleri úshin jaýap bere alady.
♦QR Statısıka komıteti: 2019 jylǵy halyq sanaǵy onlaın rejimde ótedi
Internette saýalnama 15 kúnge sozylady. Internet saýalnama «SANAQ» saıtynda júrgiziledi.
Internet saýalnama 1 qarasha men 30 qarasha aralyǵynda, onlaın jáne oflaında ótedi. Ol 2 kezeńnen turady. Al shalǵaı aýdandardaǵy sanaq, sanaq bastalýǵa bir aı qalǵanda planshettiń kómegimen júrgiziledi.
Halyq sanaǵy 31 qazanda, saǵat 00.00-de bastalady da, 2019 jyldyń 1 qarashasynda aıaqtalady.
