Osydan birer apta buryn Ingýshetıa men Sheshenstan arasynda jer daýyna qatysty dúrdarazdyq bastaý alǵany belgili. Eki eldiń prezıdentteri Iýnýs-Bek Evkýrov pen Ramzan Qadyrov 29 qyrkúıek pen 4 qazan kúni ákimshilik-terrıtorıalyq kelisimge qol qoıyp, ıngýsh jeriniń 20 myń gektary Sheshenstanǵa berilip ketkeni belgili. Al ıngýshtar bolsa, qaıtarymǵa bar-joǵy 1000 gektardan asa ǵana jer alǵan. Buǵan narazy bolǵan ıngýsh belsendileri rıza bolmaı, el astanasy Magasqa mıtıń ótkizgeni belgili. Kóshege shyqqandar prezıdent Iýnýs-Bek Evkýrovty ornynan ketirýdi talap etti. Tipti Sýrhahı eldimekeninde turatyn ıngýshtyń bir aqsaqaly Mýhajır Nalgıev sheshen basshysy Qadyrovty «malshy» dep te atap jiberdi.
♦Ingýshetıa men Sheshenstan arasynda soǵys bastalýy múmkin be?
Mundaı mazaqqa shydamaǵan Ramzan Qadyrov búkil oqqaǵarlarymen birge 70 kólikke minip Sýrhahı selosyna kelip kirgen. Jaǵdaıdyń kúrdelenip ketýinen qoryqqan bolýy kerek, eldimekendi qorshap, ıngýshtyń 1000 sarbazy muzdaı qarýlanyp kóshe boıynda saqadaı saı turǵan.
Onyń ústine «Eger meni tildeýińdi toqtatpasańdar, barlyǵyńdy qyryp jiberemin» degen Ramzan Ahmatulynyń sózi de ıngýshterdyń da namysyna tıgen. Alaıda bári de tynysh ótti. Kavkazdyq dástúrmen sheshen prezıdenti aqsaqaldyń aldyna kelip keshirim suraǵan kórinedi. Aqsaqal da ózi basyn ıip, «musylmanbyz ǵoı» dep Ramzan Qadyrovqa keshirim bergen.
–Mýhajır selodaǵy syıly adam, sondyqtan oǵan halyq qurmetpen qaraıdy. Biz túsinisip, keńirek otyryp áńgimelestik. Onyń kóńilinde maǵan degen eshqandaı ókpe, renish qalmaýy kerek. Qudyretti bir Alla úshin biz bir-birimizden keshirim suradyq,–dep jazdy Ramzan Qadyrov óziniń Telegram-kanalynda.
Eskerte keteıik, Ingýshetıa men Sheshenstan arasyndaǵy jer daýy eki el bólinip, enshisin alǵaly beri jalǵasyp keledi. Johar Dýdaev pen Rýslan Aýshev, Aslan Masqadov, Ahmat Qadyrov pen Murat Zızákov eldi basqarǵan tusta da bul másele kúrdelene túsken. Mine Ramzan Qadyrov pen Iýnýs-Bek Evkýrovtyń kezinde de jaǵdaı shıelenisip baryp basyldy. Sondyqtan bul másele, ár prezıdenttiń basqarýy tusynda kúrdeli problemaǵa aınalyp otyratynyn joqqa shyǵara almaımyz.
