2015 jyldyń sáýir aıynyń 9 juldyzynda Sýleıman Demırel atyndaǵy ýnıversıtette «Daryn» Respýblıkalyq ǵylymı-praktıkalyq ortalyǵymen birge uıymdastyrǵan jáne de Qazaqstan Respýblıkasy Bilim jáne ǵylym Mınıstrliginiń qoldaýymen Halyqaralyq «Infomatrix» (Infomatrıks) atty kompúterlik joba jarysynyń ashylý saltanaty ótti.

Atalmysh ǵylym men ınovasıalyq keshendi jobalardy qamtıtyn bul saıysqa 25 memleketten 400-ge jýyq  bilimgerler keldi. Saıystyń basty maqsaty – elimizdegi jáne shet memleketterdegi 10-11 synyp oqýshylary arasyndaǵy zamanaýı tehnologıanyń damý barysyn talqylaý.

Ashylý saltanatynda sóz sóılegen uıymdastyrý komıtetiniń tóraǵasy assıst. profesor Selım Gúverdjın  Bilim jáne ǵylym Mınıstrliginiń qoldaýymen ótip jatqan bul is-sharanyń elimizdiń maqtanyshy ekenin jetkizdi.

Ashylý barysynda Astanada ótetin EXPO-2017 turaly aqparat bergen uıymdastyrý komıteti 25 elden kelgen daryndy qatysýshylardy osy aýqymdy EXPO-2017 belsendilik tanytýlaryn usyndy.

Osy jyly ótip jatqan Infomatrix joba jarysynyń ereksheligi Soltústik,  Ońtústik Amerıkanyń, Kanada jáne Venesýella elderiniń qyzyǵýshylyq tanytqany boldy.

İrikteý kezeńinen, elimizden 1200-ge jýyq qatysýshydan teq qana 240 qatysýshy al shetel memleketterinen 528-ge jýyq qatysýshydan teq qana 144 qatysýshynyń ótýi joba deńgeıiniń qanshalyqty joǵary ekendigin eskertken ýnıversıtettiń birinshi prorektory profesor, doktor Salatanat Nurádlqyzy barlyq qatysýshylarǵa sáttilik tiledi.

Sondaı-aq, saıysqa qatysýshylar men qonaqtar úshin SDÝ jańa kampýsynda aqshańqan kıiz úıler tigilip, ulttyq oıyndar oınaldy. Áýelegen án shyrqalyp, naýryz kóje taratyldy.

Túrkıalyq Ómer Bakash pen Hýseın Sevım sensor arqyly jumys jasaıtyn robot qoldy jasap shyǵarypty. Olardyń aıtýynsha, bul apparatpen adamǵa operasıa jasaýǵa, hımıa, fızıkanyń adamǵa qaýipti salalarynda, sonymen qatar qaýipsizdik qyzmetinde kóptegen jumys atqarýǵa bolady. «AQSH-ta bundaı devaıstar shamamen 2000-3000$ tursa, bizdiki bar-joǵy 100$ ǵana» deıdi qos daryn. Qoldyń qalaı jumys jasaıtynyn beıneden kórińiz.

Nurgeldi Ábdiǵanıuly